Kristrún Íslandsmeistari

Elsku duglega og klára Kristrún Ósk

Til hamingju með Íslandsmeistaratitilinn fyrir 3 þrep

p.s kemurðu öllum þessu verðlaunapeningum einhversstaðar orðið fyrir stelpa

Þú getur látið bræða þetta allt í einhvern stórann klump í ellinni og við getum föndrað úr þessu eyrnalokka :)

Hey ,, ég er að reyna að ná mynd

Veriði svolítið eðlileg

ekki kanski alveg svona.....

Já svona !!!

.... og mér fannst harðfiskurinn dýr þangað til ég fór til tannlæknis.. "over my dead rotten body" Hef ákveðið að snúa mér að fatahönnun til að fjármagna "stellið". Hvað finnst ykkur ? Buxurnar fást aðeins þrengri og ekki bara í smjörlíkislitnum heldur einnig í appelsínusanseraðum, gleraugun eru í einkaeign.

101 Shocking moments

Hver hefur ekki pissað í saltan sjó á Íslandi?
Við erum komin af sjómönnum,
landið er alið á fiski,
kvótin er stjórntæki,
fyrir aftan orðið “normal” í orðabókinni stendur “ýsa og karteflur”.
Mamma þín hefur vaðið síld og pabbi þinn gubbað á deck.
Þetta er þjóð með saltvatn í æðum og roð í kinnum (en ekki roða).

Svo fer ég í Bónus (sem býður betur) og í sakleysi mínu renni augum að hollustu sem merkt er 85% protein á TILBOÐI, það var harðfiskur í bitum. Ég finn ekki verðmiða en í brjáluðu kæruleysi kasta ég 200 gramma pokanum í körfuna (smá heilsiviðbit) Dóttir mín segir mér að þetta sé þorramatur og þjóðarstoltið er að rifna innra með mér, ég er náttlega undan Sigga Munda þeim mikla skipstjóra og svo tengdadóttir dóttur Binna í Gröf, já mestu sjómenn eyjanna er fjölskylda mín.
Ég borga matinn og lít svo á verðmiðann (sem ég geri aldrei því ég er kærulaus eyðslukló svona venjulega)
101 Shocking moments; 200 gr af harðfisk á tilboði kosta 989 krónur.

“FRöken það er einhver villa í þessu”
“nei… nei.. þetta er rétt verð”

Ef börnin hefðu ekki verið að spranga í kerrunum við útganginn hefði ég skilað gullinu, en strunsaði út á eftir börnunum svo þau yrðu ekki fyrir bíl.

Ég gat ekki með nokkru móti notið þess að éta þessi 85% protein, heldur bara hugsaði hvað þau kostuðu, mér leið í raun eins og ég væri að tyggja þúsundkallinn minn og missti matarlystina …




Það er hreint "shocking" hvað fólk dekrar kettina sína

Nýr starfskrafur !

Það var að byrja nýr starfskraftur hérna í vinnunni. Maður sem heitir Hugo og á að starfa sem nýr starfsmannastjóri fyrirtækisins. Hann sérhæfir sig í bættri samvinnu á kvennavinnustöðum og hefur nú þegar sett á nudd-morgunverðarfundi, svo konur eigi auðveldara með að slíta hugann frá heimilum sínum , börnum og búi, slakað á og verið heilsteyptari starfskraftar sem einblína á að sjá sjálfan sig sem engöngu starfsmenn en ekki neitt annað meðan þær eru í vinnu. Í stefnu Hugo er einmitt bannað að mæður taki símtöl frá leikskólum eða eiginmönnum og konum ráðlagt að ráða annað vinnuafl í þannig verkefni sem trufla eðlilegan vinnudag. Hugo er ættaður frá Bretlandi og er vinnutitillinn "the Boss" ("yfirmaðurinn") dregin af verkum hans, hann er semsagt upphafsmaður boss-ismanns í heiminum. Við bjóðum hann velkominn til starfa.. mr. Hugo Boss.
p.s Hann er með námskeið fyrir konur á framabraut á Nordica um helgina, að ég held.

Fleiri myndir af fallegu frænku minni eru á
http://www.barnaland.is/barn/40897

Vonbrigði ársins

Vonbrigði ársins er án efa nýji bachelorinn sem er hreint út sagt glataður gaur. Hann er eins og ofbakaður Ken með kellingahárkollu. Það er ekki séns að ég horfi á þennan þátt. Þessar vanþroskuðu ameríku bombur meiga bara kroppa úr hvor annari augun af ást fyrir mér, þær völdu manninn !!!
Annaðhvort er tappinn á brúnkukremssamning eða þá hefur hann sofið í ljósalampa frá því hann fæddist, ég get svarið það ef ég mætti svona manni í Kringlunni mundi ég fá kast. Hann er þessi týpa sem sækir konuna úr vinnu á hvítum hesti með fullan bakpoka af kókosbollum.
Gaurinn er svo mikill sykurpúði að hann er með flórsykur í hársverðinum í staðinn fyrir flösur.

Maður verður bara að horfa á eitthvað annað....hmmmmm...

Happy Valentines day !!

Elsku mamma átti afmæli í gær 12. febrúar

Elsku mamma til hamingju mað daginn í gær !!

• Það ert þú sem leyfir konum frá Votta Jehova að lesa fyrir þig upp úr biblíunni meðan þú ert að vinna af því þú getur ekki sagt þeim að koma seinna.
• Það ert þú sem kaupir bækur af sölumönnum af því enginn var búinn að kaupa af þeim og þeim virtist kalt, bækur sem eru enn með plastið utan um mörgum árum seinna.
• Það ert þú sem ferð þrisvar á dag í búð til að kaupa í matinn af því þú heldur að þú sért að kaupa minna, en ert í raun að kaupa meira.
• Það ert þú sem hefur borgað fæði, föt og menntun fyrir þrjú börn í þriðja heiminum.
• Það ert þú sem hefur oftar en hundrað sinnum lagt frá þér það sem þú varst að gera til þess að sækja mig á æfingu, til vina eða úr skóla þegar ég gat vel labbað.
• Það ert þú sem hefur alltaf verið með mjög langar neglur og bleikan varalit.

Þetta er nú bara brotabrot af því hver þú ert, en það er samt alveg magnað !

Hvað er að vera óútreiknanlegur?

Það er sagt að ef maður reykir eina sígarettur þá styttir maður líf sitt um svo og svo margar klukkustundir. Svo ég hef verið að velta fyrir mér hvað ýmislegt annað sem maður gerir styttir líf manns um einhverjar klukkustundir eins og til dæmis að halda barnaafmæli, það hlýtur að stytta aldur manns um nokkra tíma eða eins og ein stíf verslunarmannahelgi á þjóðhátíð, með öllu svefnleysi og alles það styttir örugglega æfi manns um heila viku. Ógreiddir reikningar, umferðapirringur, þorramatur og tap hjá Íslenska landsliðinu tekur sjálfsagt sinn toll.
Nú vitum við orðið hvað það er sem drepur okkur þó svo það gangi misvel að forðast það. Hagfræðingar heims hljóta að hræðast allan heilsu áróður því það hlýtur að skapa ójafnvægi í framtíðinni, það verður ekki hægt að þverfóta fyrir gamalmennum eftir einhver ár. Fjárfestar sjá aur sinn margfaldast í hjúkrunarvörum á við þvagpoka og hægðarlyf. En aftur á móti verðum við með skoppandi ungdóm sem getur unnið þrefalt við að halda gamla fólkinu upprétt við göngugrindina, eða hvað?
Hláturinn lengir lífið segir einhversstaðar og mér skilst að það hafi verið reiknað út á vísindalegan hátt eins og þeir afbrigðilegu stærðfræði lögreglurannsóknamenn í þáttunum Numbers reikna út ALLT (og þar hefur áhugaleysi mitt á stærðfræði gjörsamlega rekið hnífinn í þann þáttinn fyrir mér). Þá kýs ég frekar einhvern töffara með sterka löngun til að verja börn eins og vinur minn í Law and order. Hverjar ætli séu stærðfræðilíkurnar á því að ég hitti hann einhverntímann?
Hvort ætli ég hafi lengt eða stytt ævi mína á að velta mér upp úr þessu? Ég er gjörsamlega óútreiknanleg. (sem er mjög gott, það er ekkert verra en að vera útreiknanlegur)

Lítil yndisleg frænka fædd !!!

Í nótt rétt fyrir þrjú fæddi systir mín litla Jespersdóttur á sjúkrahúsi í Aarhus í Danmörku. Hún fæddist tveimur vikum fyrir tímann og var því svolítið nett 10 merkur og 48 cm. Fæðingin gekk nokkuð vel og heilsast þeim mæðgum vel. Sú litla er með dökkt hár og segir Hildur að hún líkist pabba sínum mjög mikið. Ég skelli inn einni mynd af litlu þegar ég fæ hana senda.
Jii ég er svo stolt ... og get ekki beðið eftir að fá að sjá hana og hvað þá knúsa.

Át yfir mig !!!

Gjörsamlega búin að éta yfir mig í London, sem betur fer kannski því ég hef bara borðað hollt síðan 8:30 í morgun. Átak númer 714 hófst við dögun og nú er ekki stóra takmarkið að léttast heldur borða hollt (that has never bean before). Líkaminn minn þolir ekki þetta ofbeldi lengur og vill fæðu sem hann getur unnið með, ekki eintómt lím og steypu sem belgir mann út eins og Ástrík frænda. Nú skal brett upp ermar og þó ég þurfi að éta fuglafóður út á AB mjólkina þá læt ég mig hafa það. Börnin eru í orkuátaki Latabæjar og ég ætla með. Eru ekki allir í heilsustuði eða?

London calling

Hallo everyone, vildi bara lata vita ad allt er great i hinni fallegu London. Vid Siggi ordin snillingar i Subway underground g buin ad borda meira en godu hofi gegnir. Leikurinn i dag og tad er mikil spenna. Einu radin sem vid hofum fengid er ad vera komin a chelsea pobbinn kl 12 og passa ad hvetja rett lid i stukunni annars faum vid hnif i bakid er mer sagt..hehe..
Drottiningin baud okkur i te i gaer en vid nenntum ekki ad skipta um fot.
Love bella London gella

Hann elsku Sigmar minn er 6 ára í dag.

Ég trúi því varla hvað tíminn líður og hvað hann stækkar fljótt. Hann sofnaði í hjónarúminu okkar í vikunni og ég átti í mesta basli við að halda á honum yfir í sitt rúm, mér fannst ég halda á unglingi. Við vorum með þetta flotta búningaafmæli í vikunni þar sem strákarnir mættu sem ofurhetjur og stelpurnar að sjálfsögðu í glitrandi prinsessubúningum. Strákarnir með sverðin á lofti að skylmast um alla íbúð á meðan prinsessurnar skiptust á veskjum og kórónum. Ég vissi að afmælið hafði heppnast vel þegar ég sá súkkulaðiköku- klessu á koddanum mínum þegar ég vara að fara að sofa um kvöldið.

Sigmar fór til eyja í gær til að vera hjá ömmu Bobbu yfir helgina (þar sem við erum að fara út) og ég fékk móðurlegt samviskubit yfir að senda hann frá mér á afmælisdaginn. Hann og amma Bobba hafa þó sérstakt samband sín á milli sem ég get ekki greint svo auðveldlega frá og honum líður einstaklega vel hjá ömmu sinni, knúsar hana oft og segir henni hvað hann elskar hana svo amman bráðnar eins og smjör. Það byrjaði þannig að Bobba ætlaði að baka pönnslur fyrir hann í dag en svo heyrði ég í þeim í gærkvöldi og þá var amman búin að plana afmælisveislu með tertum og rúllubrauðum, amma Kristrún ætlar að koma með eina köku og afi Gísli var á leið með Sigmar til Ragga rakara svo hann yrði nú glæsilegur að taka á móti gestunum.

Hann mátti ekkert vera að því að tala við mig í símann í gærkvöldi þar sem hann var uppveðraður, búin að drekka í sig alla athyglina, lesa fyrir Frosta og halda á litli frænku sinni Maríu Fönn. Ég hringdi svo í hann strax í morgun til að óska honum til hamingju og hann var svo glaður........... hann er líka með svo yndislega fallega rödd, sem að minnir mig á að hann er bara svo lítill ennþá, litli strákurinn minn, þó svo hann virki voða stór við hliðina á Reynari frænda sínum ; )
Mér finnst ferlegt að vera ekki hjá honum en samt svo ánægð fyrir hans hönd að vera upplifa þessa ást frá fólkinu hans í eyjum sem öll ætla að gleðja hann í dag. Það er svo frábært að eiga svona gott fólk að, það besta af öllu.

Sigmar er svo ánægður að vera orðin 6 ára og vill helst verða 7 sem allra fyrst en ég sem mamma hans vona bara að næsta ár verði aðeins lengur að líða.

Tilkynning.. Tilkynning

Ég tilkynni hér með að ég verð ekki heima um næstu helgi þar sem ég er að fara á leik Chelsea- Liverpool á Sunnudaginn og neyðist til að koma mér til London á föstudaginn. Ég ætla að taka kallinn með til þess að gera heiðarlega tillraun til þess að láta hann fá áhuga á knattspyrnu og vonandi leiðir það af sér kaup á áskrift að "enska boltanum" þegar við komum til baka. Hef þó ekki séð kraftaverkið enn gerast so .."lets see". Svo er bara að finna einhvert sjónvarpstæki sem sendir út leiki af Evrópumótinu þar sem strákarnir okkar taka vonandi einn pening eða svo.
Þetta verður annars snilldarleikur á sunnudaginn, ég náttlega alin upp á Liverpool heimili og hef haldið með Chelsea síðustu ár svo there is no loosing for me.