Ísland bezt í heimi

Eftir að hafa horft nokkrum sinnum á þáttinn “what not to wear”, verð ég að lýsa yfir samúð minni gagnvart bresku þjóðinni (full af hroka og stælum) varðandi þá staðreynd hvað breskar konur eru margar-hverjar hreint og beint ófríðar (með flöskuaxlir) og virka oft mikið eldri en kallarnir þeirra ..........sem eru reyndar ekkert mikið fallegri en þær, flestir eins og Karl bretaprins með jarðaberjarauðar kinnar og flatann rass.
En það er bara gaman að velta fyrir sér þjóðfélagslegri fegurð í ljósi þess að við teljum okkur fallegsta þjóð veraldar (Ísland bezt í heimi). Við erum í þessum “BEST” rembing alla daga og ég get alveg tekið undir það af því að mér finnst það bara FRÁBÆRT, ég elska stórar yfirlýsingar og alhæfingar sem eru nokkrum skýjum fyrir ofan raunveruleikan, því það er nákvæmlega það sem hefur komið þjóðinni þangað sem hún er í dag. Þetta er að sjálfsögu viss hroki, kannski í bland við gott sjálfstraust, en kemur oft bara helv... vel út.
Er ekki líka mikið skemmtilegra að taka þátt í lífinu einmitt svona? Ef við ættum að reikna út líkurnar á því að íslenskt landslið mundi vinna Bandaríkjamenn í körfu áður en leikurinn hæfist, reiknað út frá íbúafjölda, fjármagni osfrv. og varpa fram væntingar okkar í samræmi við það, þá gætum við bara pantað einn gám af þunglyndislyfjum strax, rekið ríkisstjórnina og kallað okkur ÞUNGLYNDI..is
Okkar “litla” þjóð felur sig sem betur fer sjaldan ef nokkurn tímann á bak við það í samkeppni að vera lítil.
Jú kröfurnar verða stundum ofar en leyfilegt flughæð, en við getum líka bara hlegið af því síðar, eins og t.d væntingar okkar til Gleðibankans 1986, þegar verktakar landsins voru farnir að rífast um að byggja nýju tónlistarhöllina sem mundi hýsa keppnina á eftir.
Við trúum því að við séum best í mörgu og það er fullt af fólki sem trúir því með okkur.
If you dont believe in yourself nobody else will......