Pillur bjarga öllu !?

Ég prófaði fitubrennslupillur um daginn og leið eins og fíkniefnaneytanda, varð eitthvað svo kvikk, blikkandi, iðandi - ör eitthvað. Var alveg viss um að ég væri með frábæra viðskiptahugmynd í einhverju heilahólfi, og mér leið sem allar frumur líkamans væri að gefa strauma og stefnur í allar áttir til að finna þetta heilahólf með týndu viðskiptahugmyndinni.
Ég fékk mér kaffi, meira kaffi og ástandið versnaði án þess að mér tækist að fanga hugmyndina. Frumurnar gripu í tómt og ég var bara ringluð.

Var ég að ganga af göflunum eða var ég bara að GRENNAST?
Mér leið meira eins og ég væri að missa vitið frekar en fitu,
er þetta ný uppgötvun? Fangast vit mitt í fitulagi mínu? Er ég með viðskiptahugmynd í lærapokunum?
Verð ég þá á endanum VIT-LAUS og grönn?
Ég tek ekki sénsinn !

.

Pillur við öllu, er það málið?