What a Wonderful world

2008-03-02T01:17:00.000-08:00

Púkó pæju mamman ég

2007-10-14T09:06:00.000-07:00

Þó maður reyni að fela það fyrir sjálfum sér að maður sé ekki títján eða rétt rúmlega nítján. Þá verður það erfiðara sem börnin verða stærri. Sigmar notar nú sömu stærð af skóm og ég og mér finnst það frekar“scary”. Ég og börnin vorum að renna úr hlaðinu í gær þegar ég mundi eftir því að veskið var inni með öllu snyrtidraslinu og ég sagðist verða að sækja það, syninum fannst það alger óþarfi “mamma ertu að reyna að vera einhver pæja” .. Já sagði mömmu pæjan og snéri uppá sig frekar vonsvikin með commentið.
Ég veit það samt vel þegar ég rugla saman Spiderman og Batman, þá er ég alveg glötuð og fæ flashback á álíka aðstæður með mínum foreldrum þegar þau héldu að Michael Jackson og Prinse væri sami maðurinn, vá hvað mér fannst þau gömul. Eins um daginn þegar börnin voru að rella um að taka mynd og ég sagði þeim að horfa bara á myndina með Gosa sem var svo reyndar Pétur Pan, þá alveg rann það upp fyrir mér að ég væri að detta inní púkó mömmu skeiðið. Svo þegar ég er að knúsa og kyssa Clöru á almannafæri fæ ég frasann frá henni “mamma ertu að grínast í mér eða…”

Þegar maður kemur þreyttur heim úr vinnu , búinn að þröngva sér í gegnum bónus og setja í eina þvottavél og finnst maður eiga það skilið að lesa aðeins blaðið kemur sú stutta "mamma er meira áriðandi að lesa blöðin en leika við dóttur sína eða "... Hvað segir maður þá ?

Sigmar er svo að æfa karatespörkin eftir göngunum allsstaðar þessa dagana og gáði ekki alveg radíusinn í gær þannig að púkó pæju mamman fékk bara í eitt gott spark í sköflunginn og lá eins og stunginn grís, vælandi og haldandi um fótinn, vá hvaða litli strákurinn minn er orðinn sterkur.... mamman haltrar enn. Clara fer um allt í handahlaupum svo það má segja að maður þarf að hafa sig allan við að verða ekki fyrir alskonar fótum og handleggjum sem sveiflast um heimilið. Ég veit ekki hvort ég hafi bara haldið að þessir fætur og handleggir yrðu bara áfram alltaf litlir eða hvað... Svo líka hef ég fundið fyrir því að við þurfum stærri íbúð með svona “fullorðnari” börn, það er alveg ótrúlegt en satt að það fer meira fyrir þeim á alla kanta, nema þegar þau sofa, sem betur fer þarf maður ekkert að vakna með svona stórum börnum enda held ég að púkó pæju mömmur þurfi allan sinn svefn til að halda hrukkunum frá.

2007-10-04T06:42:00.000-07:00

Ljós í myrkri, langt og mjótt

markar upphafið hjá þér.

Allt einu ertu kominn

inn í heiminn, lítill dofinn,

dregur andann hið fyrsta sinn.

Þú ert vorið, vindur hlýr

vekur hjá mér nýja kennd.

Og ég græt í gleði minni,

þú gefur mér með návist þinni

svo miklu meira en trúði ég.

Líf - ljómi þinn er skínandi skær.

Líf - augu þín svo saklaus og tær.

Fegurra en nokkuð annað

áhrifin ótvíræð:

Ég svíf

því ég á

þetta líf

Óskadraumur - ásýnd þín,

ekkert jafnast á við það.

Þó mig þúsund drauma dreymi

þessa stund ég alltaf geymi

í mínu sinni ókomin ár.

Líf...

Elsku Litli drengurinn þeirra Hildar systur og Jespers kom í heiminn í gær á 34. viku meðgöngu og var7 merkur og 43 cm. Rosa duglegur og yndislegur.
Hlakka SVO til að knúsa hann og kyssa ;)

Uppskriftir

2007-10-02T02:13:00.000-07:00

Uppskriftir og fleiri hollusturáð í commentum hér í póstinum að neðan !!!

Aspartame hvað er nú það ???

2007-09-26T03:06:00.000-07:00

Af því mér þykir svo vænt um ykkur þá læt ég þennan fróðleik á bloggið mitt sem ég tók af vef Maður lifandi. Einnig bendi ég ykkur á vefsíðuna og bókina http://www.sweetpoison.com/

Gervisykur: Aspartame, Canderel, sorbitol, nutrasweet og allur gervisykur er hættulegur og það ber að forðast hann. Hann er t.d. notaður í alla “diet drykki”og þær mjólkurvörur sem eru merktar án sykurs (t,d skyri og fl), sykurlaust tyggjó, ýmis vítamín sérstaklega freyðitöflur og tuggutöflur.
Ýmislegt bendir til að gerfisætuefni valda eftirfarandi aukaverkunum Kvíðaköst Heilaæxli Brjóstverkir Þunglyndi Bjúgmyndun Höfuðverkur, mígreni Ofvirkni Svefnleysi Liðverkir Minnisleysi Vöðvaverkir Hjartslátarverkir Húðvandamál Ógleði Fyrirtíðarspenna
* * * * * * * * * * * * * * * * * * *
Það er betra að sæta tilveruna með náttúrulegum leiðum og komast þannig hjá böli gerfisykursins. Bölið er áhættan á velmegunarsjúkdómum eins og þeim helstu sem er offita, of hátt kólesteról, sykursýki 2 og hjarta- og æðasjúkdómar. Margur unnin matur sem við neytum inniheldur óhollan sykur. Gætið ykkar sérstaklega á maltodextrin, sírópi, laktósa, dextrins, ávaxtasykri (fruit sugar), dextrose eða maltose og munið að hrásykur (cane sugar) er heldur ekki alveg saklaus. Það má ganga að því sem vísu að aspartame (tegund gervisykurs) – best þekkt undir nafninu NutraSweet – verði bannað eftir nokkur ár.
Saga aspartame er skólabókardæmi um það hvernig lyf og kemísk efni eru samþykkt af bandaríska lyfjaeftirlitinu og hvernig hagsmunir eru látnir ráða ferðinni. Aspartame uppgötvaðist þegar starfsmaður G.D. Searle Pharmaceuticals (núna hluti af Monsanto), dr. James Schlatter, var að rannsaka lyf ætlað sjúklingum með magasár. Eftir að hafa meðhöndlað lyfið þá sleikti hann á sér puttana og undraðist hve sætt efnið var. Hugmyndin um nýjan gervisykur fæddist á því augnabliki. En róðurinn var erfiður og lengi vel lofuðu tilraunir með aspartame ekki góðu.
Dr. Harry Waisman, lífeðlisfræðingur við Joseph P. Kennedy háskólann í Wisconsin, gaf sjö ungum öpum efnið daglega. Áður en árið var liðið hafði einn þeirra dáið og allir hinir fengið alvarlegan umbrotakrampa. Aðrar tilraunir á dýrum leiddu í ljós að aspartame gat orsakað slag og heilakrabbamein. Þegar dr. Johan Olney, taugafræðingur við Washington háskólann í St. Louis, fór ofan í saumana á mörgum rannsóknum þá fann hann líka sannanir fyrir heilakrabba og lýsti því yfir að hann hefði sérstakar áhyggjur af hvaða áhrif aspartame hefði á ung börn.
Eldri tilraunir á rottum með aspartic acid, sem er uppistöðuefni aspatame, gáfu til kynna að efnið myndaði örlitlar holur í heila þeirra. Á milli 1976 og 1981 virtist aspartame dauðadæmt. Opinber rannsókn á vinnubrögðum Searle lyfjafyrirtækinu leiddi i ljós að það hafði faldið neikvæðar niðurstöður og kerfisbundið reynt að rugla málið með tilraunum sem í raun ekkert höfðu að gera með öryggi efnisins. Málið komast alla leið inn á þing þar sem Edward Kennedy sagði m.a.: “Víðtækt eðli alveg ótrúlegs fjölda misferla sem FDA fann varðandi marga þætti meginframleiðslu Searle eru geysilega uggvænleg tíðindi.”
En þegar stóra stundin rann upp þá var þessu öllu sópað undir teppið og lyfjaeftirlitið vildi allt í einu ekki heyra um neitt annað en tilraunir með smáskammta sem höfðu engin neikvæð áhrif. Hvernig gat þetta gerst með vafasamt efni sem greinilega átti eftir að enda í fæðu hundruð milljóna manna? Á árunum fyrir 1981 var Donald Rumsfeld (já, sami “Rummy” og situr í núverandi ríkisstjórn) stjórnarformaður og framkvæmdastjóri Searle. Einum degi eftir að Ronald Reagan tók við embætti, 21. janúar 1981, sótti fyrirtækið um leyfi til að framleiða og selja aspartame. Fjórum dögum síðar, öllum á óvart, var skipt um yfirmann Matvæla- og lyfjaeftirlitsins og Arthur Hayes tók við embættinu af Jere Goyan. Það tók sex mánuði eftir þetta fyrir eftirlitið að samþykkja að nota mætti aspartame í þurrkuðum mat. Í nóvember 1983 var aspartame leyft í gosdrykkjum og í þeim sama mánuði hætti Arthur Hayes að vera ríkisstarfsmaður og fékk miklu betur borgaða vinnu hjá auglýsingafyrirtæki Searle!
Öllu virðist þetta hafa verið leikstýrt af Donald Rumsfeld. Samkvæmt skjölum Öldungadeildarinnar þá tjáði Patty Wood-Allott, sem starfaði í söludeild Searle, þingmönnum að Rumsfeld hefði sagt að “ef hann þyrfti þess með, þá myndi hann innkalla alla útistandandi greiða, og nákvæmlega sama hvað gengi á, hann skyldi sjá til þess að aspartame yrði samþykkt það ár.”
Í dag er árleg sala aspartame yfir eitt þúsund milljón dollarar og aspartame er blandað í þúsundir vörutegunda út um allan heim. Heilakrabbamein í börnum hefur stóraukist síðan aspartame var leyft, en framleiðandinn bendir á að sú þróun hafi byrjað fyrr. Margir læknar og heilsufræðingar vilja setja bein tengsl á milli gervisykurs og feikilegar fjölgunar tilfella Parkinsonveiki, heilakrabba og Alzheimer út um allan heim. Við einfaldlega vitum ekki hvort sú er raunin, en hlutlausir aðilar eru að rannsaka málið.
Það er ein vísindalega sönnuð hætta af aspatame sem allir ættu að vera meðvitaðir um og þá sérstaklega fólk sem býr í heitum löndum. Þegar asparteme hitnar yfir 30 gráður þá er það stórhættulegt. Asparteme er sett saman úr sameindum þriggja efna – fenýlaníni, asparssýru og tréspíritus (sem heldur hinum tveim saman). Ef t.d. sykurlausir gosdrykkir sitja í skemmum þar sem hitastigið fer yfir 30 stig, þá losnar tréspírinn úr fyrrnefndu efnasambandi og drykkurinn verður stórhættulegur. Margir telja að þarna sé komið svar við dularfullum veikindum hermanna sem börðust í fyrra Persaflóastríðinu, en gosdrykkir hersins sátu oft dögum eða vikum saman í 50 stiga hita.
Fáránlegast við allt þetta mál er kannski að fólk notar gervisykur aðallega til að grenna sig eða koma í veg fyrir offitu, en rannsóknir hafa sýnt að það er gagnslaus aðferð. Líkaminn “telur” ekki gervihitaeiningar og fólk er alveg jafn svangt, sama hve miklu magni gervisykurs það sturtar í sig.

Þá er betra að borða bara sykur eða ef þið viljið eitthvað annað í matinn þá er líka Xylitol (sem er hvítt og lítur út eins og sykur, setjið það í sykurkarið og enginn veit muninn) eða agave sýróp sem fæst í heilsubúðum.

Gefið ekki börnum ykkar gerfisykur, þetta er hrikalegt fyrir börn sem eru að vaxa.

Hvað gerðist ??

2007-09-14T07:49:00.000-07:00

Þegar ég vaknaði í morgun, stakk mig eitthvað......

Mér finnst voða gott að snooza á klukkunni og koma mér betur fyrir í 10mínútur, framlengja draumnum, kúra og ná smá aukalúr. En það var eitthvað mjög hart að bora sig inní síðuna á mér. Og.... ég gefst upp, sest með hárið útí loftið og augun enn í hnakkanum og svona bölva eitthva,,, hvur andsk.. er hérna í bælinu..??.. Samt öllu vön, Siggi búinn að vera í Kína og Clara hefur verið uppí hjá mömmu á meðan og mjög eðlilegt að fá tær uppí nef og hné í bak án þess að vera nokkuð viðbúin, samt í tveggja metra breiðu rúmi. En þetta var eitthvað annað, mjög grömpí sný ég mér við og dreg upp sökudólginn..... BÓK. ..
.....Svosem ekkert merkilegt ef þetta hefði verið Einar nokkur Áskell eða Palli einn í heiminum.... nema að þetta var bók sem ég hef ekki tekið útúr skápnum síðan ég keypti hana, ég náði ekki í hana og skil ekkert hvernig hún hefur komist uppí rúm til mín. Skápurinn sem hún hefur verið geymd í var með opna hurð, hmmm.. veit ég að ég hefði tekið vel eftir því áður en ég fór að sofa ef hún hefði verið opin þá því ég þoli ekki opnar hurðar á skápum, sérstaklega þegar ég er að fara að sofa.
Þetta er alveg meiriháttar undarlegt.... og scary...

Getur verið að það sé verið að senda mér boð að handan ??
Er verið að reyna að stýra mér í rétta átt ?
Er þetta hvatnig ?
Eða er þetta aðvörun?

Þetta var bókin;

ÞÚ ÁTT NÓG AF PENINGUM ..
Þú þarft bara að finna þá...

Hver sendir manni svona skilaboð án þess að lát útskýringar fylgja með....plís help me ?

Oxford street

2007-08-31T15:02:00.000-07:00

Við Olga vinkona vorum að ræða dr. Phil um daginn, okkur finnst hann æði, enda elskum við að skoða hegðun fólks og kallinn hann Phil er með þetta allt á tæru.
Við Siggi ræddum það einnig að þegar hann yrði orðin sjónvarpsstjarna í Hollywood, með vinsælasta matreiðsluþáttinn ætla ég að bíða í áhorfendasætunum eins og konan hans Doktor Phil og vera tilbúin þegar hann arkar út og hanga þá í jakkanum með sama svip og hún “jebb ég á þennan.., þetta er maðurinn minn, hann væri ekkert án mín, ,ég hef komið honum hingað”…. þessi svipur, það verður þegar við erum búin að meika það. Börnin ekkert í public skóla með hinum maurunum, nei þau verða í skóla með Maddox og Shilo (Brad og Angelinu) og maður ræður personal shopper til að halda á pokunum niður Oxfordstreet. Já við vorum einmit þar á laugardaginn, á Oxfordstreet að versla. Þær eru voða fínar þessar búðir þarna margar, mér leið eins og henni þarna í Pretty woman þegar þær sáu mig gellurnar í búðunum, ég í túrista stuttbuxunum og Reebook skónum, þær vissu það að það var ekkert feitt í þessum stuttbuxnavösum, þetta er partur af þeirra djobbi að vingsa út rolurnar sem eiga ekki séns í dýrar flíkurnar og eyða alls engum tíma í þær, helst gefa þeim svipinn svo þær hætti að lafa utaná rúðunni, eins og ég gerði , eins og barn utaná sælgætishúsi, Chanel , Ralph Lauren og Karen Millen (lausleg þýðing ;Karen fyrir milla) jammm… Ég þurrkaði slefið og Siggi ýtti mér áfram, hann hafði úthald í tvær búðir, nýtt heimsmet !!! TVÆR BÚÐIR.. ok það hafa komið slæmir tímar en .. tvær búðir er ekki boðlegt, en greyjið var búin að vera að vinna eins og brjálæðingur svo hann fór uppá hotel og ég hélt áfram, frá dýrustu búðunum og yfir í eitthvað eðlilegra.
Svo héldum við uppá brúðkaupsafmælið með STÓRUM morgunmat í rúmið, egg og beikon, pönnukökur, appelsínusafi, sterkt kaffi..
....... mm ég er svöng..........

Afhverju.. Afhverju..

2007-08-21T08:28:00.000-07:00

Afhverju .....þegar maður er kominn útúrtaugaður lengst inní búð þurfa börn endilega að fara á klósett, er það eitthvað geðheilsu test ? Þá gengur mar búðina aftur til baka eins og útþanin blaðra, skilar því sem komið var í körfuna og treðst inná morkið salernið. Þar tek ég upp sýklahræddu poppstjörnuna á þetta og opna með erminni af peysunni af því ég sé fyrir mér alla sem hafa komið þarna við, misþrifalegt.. ég meina hver hefur ekki séð þáttinn ALLt í drasli, fólk sefur í hörðum litlum kókoskúlum sem er svo bara úrgangur frá hundafjölskyldunni sem sefur á milli. Jammí...
En allavega..þetta var staðan í gær, einn af síðri dögum ársins. Skólarnir eru nefnilega að byrja og innkaupalistinn kom á föstudaginn. Ég reyndi við tvær búðir sem hafa auglýst ódýrari ritföng og guð minn góður ég ákvað að borga frekar það sem afslátturinn stóð fyrir, ég sá mig ekki horfa í hnakkan á nánösinni sem stóð aftast í kílómetra langri röð með eitt pennaveski, það er lélegt tímakaup 300 krónur. Ég stend ekki í svoleiðis rugli. Næsti kostur var Hagkaup, passlega troðið en samt enginn geðveiki miðað við liðið sem át strokleður sem nesti þarna í hinni röðinni.
Í fyrra var ég leiðinlega mamman sem keypti bækur með engum myndum á, börnin mín eru ekki seld markaðssetningu stórfyrirtækja sem troða að þeim óhollum staðalímyndum (eða einhver svoleiðis pæling). En nú ætlaði ég að gefa smá glufu á þessu og leyfa stráknum að velja sér möppu, vera svolítið rausnaleg við peyjann. Svo hann yrði nú ekki lagður í einelti með rauðu myndalausu möppuna. En ég þurfti fljótlega að draga valið eitthvað aðeins til baka. Það sem var í boði var einhver slatti af prinsessum á hvítum hestum (sem litla systir var sjúk í), spiderman (sem er eiginlega að verða of barnalegt finnst Sigmari), brettagaur (sem mamman var mest hrifin af) og svo var svört mappa með beinagrind, hníf og blóðdropum sem að Sigmari fannst auðvitað rosa töff .
„Ekki séns Sigmar“ (sagði mamman við drenginn )
„afhverju ekki“? (spyr drengurinn)
„af því að þetta er ógeðslegt“ (svara mamman en hugsar.... af því að bara mömmur sem ala upp morðingja kaupa svona möppur)
„mamma... þetta er bara mappa“
„hehe.. „ (mamman hlær.. og setur hjólabrettamöppuna í körfuna)
(mamman með brjálað samviskubit)
„Hey ég veit....“ segir mamman.. „Við kaupum þessa hvítu möppu og búum til okkar eigin Star Wars möppu“
„YES....mamma“ (strákurinn er ánægður)
Alltaf slær maður í gegn, meira að segja þegar maður er alveg að fá taugaáfall..

„MAMMA ÉG ER SVÖNG“ (segir litla systir)
Andvarp.... eigum við að koma okkur út úr búðinni...

Mömmu gallabuxur

2007-08-15T08:50:00.000-07:00

Jæja þá stendur til að heimsækja Breta eftir rétt rúma viku. Kallinn ætlar að rúlla upp einhverju brúðkaupi á meðan ég þramma í búðir og svo er ég nú búin að bóka okkur á einhvern svaðalegan veitingastað. Fyrsta Indverska staðinn sem fékk Michelin stjörnu, eitthvað alveg „duuula“..hlakka mikið til. Svo auðvitað á að heimsækja nýju höllina, ekki Buckhingham palace heldur Pálma bróðir palace og taka það alveg út hvernig þau ætla að finna hvort annað í stórhýsinu.
Þeir sem hafa áhyggjur af mér hvað átakið varðar þá gengur það ágætlega. Ég var komin á vonarvöl með buxnaval , en þær eru aðeins tvær sem ég get troðið mér í með herkjum. Disel buxurnar mínar blokka allar æðar og ég næ ekki að hneppa efstu tölunni, en get reddað mér með því að vera með breitt belti, þannig sést það ekki að efsta talan er óhneppt, hinn valkosturinn eru buxur sem eru í henglum og Siggi er farinn að grátbiðja mig um að henda en þær eru svo smart með gat undir annari rasskinn eins og var í tísku hérna fyrir nokkrum árum og þykir ekkert smart á tveggja barna móður, sérstaklega ekki þegar gatið gapir framan í túristana þegar mamman var efst í stiganum að koma frá Gullfoss um verslunar mannahelgina. En ég hef sett mér markmið og það er að þola niðurlæginguna sem felst í þessu, því það kemur ekki til GREINA að ég kaupi stærri buxur, BARA af því að það er í raun algjör uppgjöf á ástandinu og meðan blóðið rennur ekki í æðum fótleggja minna í Disel og rassinn lafir útúr hinum neyðist ég til að horfa framan í staðreyndirnar og gera eitthvað í málinu, ég get ekki með nokkru móti sest niður á Mc donalds í Disel buxunum, þær einfaldlega leyfa ekki það rými sem þarf, svo standandi með donaldinn væri döpur sjón, eða white trash gella étandi pylsu með rassinn útí vindinn ,, enn verri sjón. Það er verið að vinna í málinu. Ég verð ekki í svona mömmu gallabuxum eins og myndin að ofan... það er morkið..
Hraðvirki maðurinn minn tók sig til og byrjaði að taka til í geymslunni í vikunni, ég var ekkert smá spennt....(hmm) Gamalt drasl sem maður veit ekkert hvað á að gera við. Eitthvað sem maður notar ekki en má samt ekki henda. Endalaus föt sem maður hefur látið þarna inn af því maður ætlaði í það seinna „je right“ og þegar það er orðið passlega myglað er hægt að koma því út. Þetta var leiðinlegur prosess my god. 4 svartir pokar og 4 stórir kassar af fötum í Rauða krossinn og annað eins af drasli. Gamalt skóladót, alveg hreint nauðsynlegt að geyma gamlar formúlur úr aðferðarfræði. Við græddum samt nokkur myndaalbúm sem við vissum ekkert hvað hefði orðið af og ég komst líka að því að Siggi á það til að setja eitthvað inní geymslu án þess að ég viti af því. Svo endurfundir við gamalt drasl var blendin tilfinning en mest leiðinlegt. Ég mæli ekki með þessu við neinn.

Síðasta útilegan

2007-08-07T06:28:00.000-07:00

Jæja verslunarmannahelgin að baki og fjölskyldan skellti sér í húsbílinn fræga sem nokkrir bræðurnir eiga saman, takk fyrir lánið ;)

Við vorum fljót að komast að því hjónin að við erum bara ekki mikið útilegufólk,
afhverju er ekki svo gott að vita en við fórum með góðum hug af stað í Borgarfjörð. Vorum búin að troðfylla bílinn af mat svo við varla komumst fyrir, Siggi með svo svakalega margrétta að þó það hefði komið heimsendir þá hefðum við lifað í nokkra mániði á byrgðunum. Þetta byrjaði allt mjög vel, börnin alsæl afturí að lita og lesa andrés önd, svo var sett á barnaefni og lágu þau undir sæng og nutu þess í botn. Bíllinn fór ekkert mjög hratt áfram, en niðrí móti með meðvind var hægt að ná 92 og þá hrópuðum við Siggi,, jíhaaaaaaaaa. Siggi er ekki sá þolinmóðasti svo þetta var kannski ekki að ganga eins hratt og hann hefði viljað enn mér fannst þetta í góðu lagi og naut útsýnisins, fagra íslands !!!

Svo var komið á tjaldstæðið að Fossatúni, 5 stjörnu tjaldstæði með öllu, en það var reyndar rok og rigning. Krakkarnir vildi strax fara að leika í flottum leiktækjum og við Siggi reyndum að koma okkur fyrir , en litum svo hvort á annað „HVAÐ SVO ??“. Við kunnum ekkert að vera í svona útilegu, hvað á maður að gera. (Við fórum nú í bústað um daginn og hann var málaður, nokkur tré voru trimmuð og bletturinn slegin og klipptur, það er erfitt að vera kjur).
En börnin komu aftur rennblaut til baka og þá var hægt að nýta sér aðstöðuna og labba með fötin í þurkara og bíða eftir því. Allt svo þröngt og erfitt eitthvað, ég hitaði uppá hrikalegt kaffi og var það til að halda í okkur hita ásamt gasinu, meðan við flettum séð og heyrt.

Ég hefði alveg viljað komast í snertingu við náttúruna en náttúran var bara ekkert sérstaklega hress, rokið aðeins of mikið og rigningin heldur blaut. Við fórum þó með krökkunum eitthvað á hjólum og þau voru að fíla þetta í botn. Hreyndýrasteikurnar, túnfiskurinn, humarinn og kálfurinn biðu þess að vera étinn en kokkurinn lagði ekki í að elda á þessu litla gasi svo það voru soðnar pylsur, sem átti að vera neyðarmatur og volgt kók drullið með. Það sem mestu skipti þó var að fjölskyldan var saman og í svona litlu rými ræða allir meira saman og kósýkvöldið var velheppnað þar sem við horfðum á fjölskyldumynd saman undir sæng með nammi. Ég gat svo reyndar ekki sofið neitt þar sem ég hafði svo miklar áhyggjur af því að gasið væri að leka eða að eitthvað dýr með of margar lappir væri komið undir sæng til mín.

Með svona útilegur þá er maður rétt búin að ná hita þegar eitthvað af börnunum þarf að fara á klósett og þá aftur útí kuldann. Þegar við Siggi löbbuðum að þjónustuhúsinu og mættum hjónum í skíðagalla með húfu og alles labba með leirtauið að vaskinum í rigningunni og vaska þar upp í makindum datt útúr Sigga að Íslendingar væru klikkaðir, og það er svosem ekkert nýtt, skemmtilega klikkaðir. Um morguninn var svo gefist upp, pakkað saman, keyrt í sund og svo til Pálma bróðir í bústað, hellt uppá almennilegt kaffi og um kvöldið var þvílíka matarveislan þar sem hreyndýrið slapp ekki undan.

Björtu hliðarnar ; nú vitum við að útilegur eru ekki málið fyrir okkur. Ég var líka að fá gjafabréf frá vinnunni með gistingu á Hótel Búðir, það er örugglega GEÐveikt,svona meira „my cup of tea“

En takk bræður fyrir lánið á bílnum, það hafði ekkert með hann að gera hvernig ferðin var ;)

Allt og ekkert

2007-08-01T06:48:00.000-07:00

Hvað er meira old news en Linsey Lohan full á bíl ??
Jú mikið rétt,, ég í átaki ;)

Við Ágústa erum komnar á fullt undir leiðsögn Katrínar Evu súperbabe ....og gjörsamlega lamaðar af harðsperrum, svo það verður ekki mikið staðið í lappirnar um verslunarmannahelgina eins og kannski einhverntímann áður sökum ölvunar en nú er það heilsuhnetan ég sem geng eins og ég sé á hestbaki með engan hest. For crying out loud .... ég get ekki sett bílinn í handbremsu án þessa að væla eins og stunginn grís.
Jórunn dönskukennari og góð vinkona kom í heimsókn í gær, gaman að sjá hana. ÉG var samt ekkert að segja henni að ég hafi á vegum vinnunnar verið að hringja í danskt hugbúnaðarfyrirtæki fyrr um daginn út af tilkynningu á vefinn hjá okkur en hafði óvart hringt í vitlaust númer og ræddi heillengi við danskt apótek um þessi tæknivandamál, þegar sú danska gafst á endanum upp og sagði á ensku „why are you CALLING a pharmacy“ þá pantaði ég bara stíla á Kasper Christansen Brillup og skellti á.

Í annað alvarlegra .. þá er ég alveg bit yfir þessu biti þarna fyrir utan Sólon. Ég verð að segja fyrir mig að ég er löngu hætt að þora einfaldlega að vera niðrí bæ. Það var einu sinni þannig að ruglaða liðið var að berja ruglaða liðið en nú er það bara hver sem er .
Mér finnst hin almenni borgari ekki verndaður næginlega fyrir þessum ofbeldisseggjum, það er slegið á puttana á þessu liði og það hleypur utan í næsta mann og bítur og lemur. Hvaða máli skiptir það þó að einn sé étinn, einni stúlku nauðgað eða tveimur eða þremur..... Þegar það er enginn refsing við því.
Nú segja sumir að refsingar séu enginn svör .. og það kun vera rétt hvað varðar þennan aðila sem framdi brotin, en hvað eigum við þá að loka okkur inni svo villidýrin geta gengið laus ? Hver er okkar réttur að þessu liði sé haldið frá okkur ?
Hver sá þáttinn íslensk sakamál um Steingrím Njálsson ? Maðurinn ítrekað nauðgaði drengjum, frá 5-13 ára, uppáhalds aldurinn hans var samt um 8-11 ára ....allavega 13 börnum sem hann var sakfelldur fyrir en þau eru MIKIÐ fleiri. Hann fékk alltaf eitt og ha´lft ár og sat inni einhvern hluta. Einhver talaði um að vana manninn eða eitthvað og þá kom upp fólk sem talaði um mannréttindi hans , en hver hugsar um mannréttindi barnanna? Hver er réttur fólks að þessum mönnum sé haldið frá samfélaginu ?? Ég er sammála að fangelsi þurfa að vera uppbyggileg og skila mönnum betri út í samfélagið, en upphaflega hugmyndin er að halda mönnum frá samfélaginu til að valda ekki öðrum skaða. Hér á Íslandi er þetta bara inn og út. Hanga aðeins inni og horfa á sjónvarpið , leika sér í tölvunni og kostnað ríkisins og svo bara þegar búið er að ná sér í kontakta innan fangelsismúranna er lagt af stað í leit að næsta fórnarlambi.
Sorry en þetta gengur ekki upp....

smá vandræði....

2007-07-27T08:04:00.001-07:00

Í vikunni buðum við Gilla bróðir Sigga í mat til okkar sem er svo sem engin stórfrétt, en aniveis þá er lljósmyndari frá Mogganum allt í einu á leiðinni til okkar að taka mynd af einhverjum rétti sem er svo í Mogganum í dag, en það er ekki það sem ég ætlaði að segja frá. Allavega þá stekkur Gilli upp og bíðst til að fara með börnin út að veiða og eitthvað, Gilli einstaklega barngóður og alltaf til í eitthvað stuð með krökkunum og tilvaldið þar sem þá yrði næði fyrir myndatökuna. Eftir tvo tíma koma þau svo heim rjóð í kinnum og æst.. og Sigmar í miklum spenningi segist vera með nýja gæludýrið okkar...og ég næ ekki að melta hugmyndina fyrr en dýrið er komið inní stofu, og það er KRABBI., ekki neinn venjulegur krabbi,, heldur Kalli Krabbi. Hann virtist nú frekar meinlaus og óframfærin en var nú samt að reyna að streðast uppúr skálinni, en ekkert gékk. Svo bara byrjar Law and order og allar græjur, börnin að tannbursta, Gilli kveður og allir í góðum fíling. Hjónin uppí rúm og bara sofið vært, allir búinir að gleyma nýja gæludýrinu.....
Daginn eftir kemur mamman fram til að undirbúa morgunmat og man allt í einu eftir Kalla. Nema hvað Kalli er bara ekkert lengur í skálinni. Jebbs.. dýrið gengur laust......
Kalli plataði okkur öll, lék sig meinlausan og veikan krabba. En í skjóli nætur hefur hann svo stokkið uppúr skálinni og flúið á braut. Það versta er að hann hefur líklega ekki komist langt, ég hef allavega ekki vitað um marga krabba á langferðalögum, og því liggur hjá mér sá grunur að kvikindið sé enn innan veggja heimilisins og endar sem einhver þurrksreyting undir rúmi einhversstaðar. .. og einn daginn á ég eftir að reka augun í líkið þegar ég á síst von á. Great !!
Þetta hefur valdið mér svo mikilli streytu að ég hef ekki sofið síðan, nema þá dreymandi um krabba, lifandi sem dauða.
Hvað gerir maður ?
Kannski verðum við bara með sallat í næsta Mogga, með sólþurrkuðum krabba... Kalla krabba...

Crazy in the coconut !

2007-07-24T03:16:00.001-07:00

Heyrðu,, ég fór að skoða blogg aftur í timann og sá þá að ég var ekki alveg með öllum mjalla þarna á Magna tímabilinu. Hvaða rugl var það? Það hefði nú verið í lagi að senda manni línu „get a life“ eða eitthvað álíka. Ég týndi mér alveg í hita leiksins. Reyndar svosem hætti ég að pæla í þessu þegar ég fékk nærbuxurnar mínar endursendar í pósti (mamma þetta er djók, þú þarft ekki að hringja). En þetta sýnir að maður getur augljóslega sleppt sér í ruglinu og enginn er hólpinn, allir geta dottið í það.
Lúkas er nú kominn heim greyjið og allir geta andað léttar, gaurinn skellti sér í útilegu og það var búið að „jarða“ hann áður en hann náði að koma sér heim. Það gerist allt svo hratt hérna,, my god. En þjóðin er nú líka með sólsting af hitabylgunni og skítasting af öllu ruslfæðinu, tveir fyrir einn á Mc donalds og málið er dautt.
En ég er að reyna að sýna fólki skilning, það er ýmislegt ruglið sem hægt er að detta í, svona fyrir utan Magna. Það er tildæmis til fólk sem lifir eins og það sé einhver Stjörnustríðs persóna, ráfar um daginn út og inn í búningum með grímur og sverð og gólar í gjallhorn „I am your father“.... Það er til fólk sem virkilega sat í makindum sínum og skrifaði bréf til Paris Hilton meðan hún var í fangelsissvítunni (og gleymdi öllum sem eru pintaðir í fangelsum og hefði kannski frekar átt að senda bréf til Amnesti), það er til fólk sem heillast að raðmorðingjum...sveiflar sér utan á fangelsum til að berjast fyrir frelsi þeirra(og gleymir gjörsamlega fórnarlömbum þessara manna sem jafnvel voru saklaus börn), það er til fólk sem safnar rusli..raðar upp úldnum mjólkurfernum og þurrkuðum appelsínuberki en á svo milljónir inná bankabók, hvað er það miðað við Magna mar....
Lærdómirinn af þessari sögu; Þú getur alltaf fundið einhvern sem er verr staddur en þú sjálfur,, þýðir það að þú sért OK ???
NOT ;)

back from death

2007-07-23T08:54:00.000-07:00

Ég get svarið fyrir það... ég hef ekki komist inná síðuna mína all this time

Sigmar 7 ára - þann 3. febrúar

2007-02-05T13:54:00.000-08:00

Já Sigmar varð 7 ára um helgina !! vegna tæknilegra örðuleika var ekki hægt að setja inn fagnaðarerindið fyrr ;) Sigmar var með þetta flotta bekkjapartý fyrir helgi og mikið gekk á (bara eins og það á að vera í slíkum veislum) Um helgina fórum við svo í leikhús og það var mjög gaman. Myndir úr afmælinu á síðu Sigmars og Clöru hér
Síðan er nú læst, endilega sendið mér póst ef þið viljið fá aðgang; berglind@atorka.is
Sigmar hefur verið með varaþurrk í margar vikur sem við eruma ð reyna að vinna bug á og hann sagði við mig í gær "mamma ég er alltaf að kroppa í vörina, ég skil það ekki ég er bara eins og reykingamaður, ég get ekki hætt" ;)

LOST AND FOUND

2007-01-24T01:59:00.000-08:00

Lost and Found

Ung kona í hafnarfirði týndi mittinu sínu einvherntíman á undanförnum mánuðum, Finnandi vinsamlegast beðin um að koma með mittið í síðasta lagi 3. mars.

Heilsuátak nr 4.867 er hafið !
og ekki orð um það meir...

Þvílík SNILLD !!!!!!!!!!!!!!!!!

2007-01-23T03:36:00.000-08:00

Þessi maður er með Stærsta íþróttahjarta sem ég hef séð !!!!!!!!!!!!

Til hamingju Kristrún Ósk

2007-01-18T07:21:00.000-08:00

Kristrún Ósk (dóttir Unnar systir) var kosin íþróttamaður æskunnar í eyjum 2006, til hamngju stelpa, átt þetta sannarlega skilið !!!

2007-01-16T09:57:00.000-08:00

http://www.freisting.is

Elsku Clara mín 5 ára í dag !

2007-01-12T01:29:00.000-08:00

Elsku Clara mín er 5 ára í dag !
Þessi yndislega kellingamús er "loks" orðin 5 ára ! ég hef mismælt mig í hálft ár og sagt hana vera orðin 5 ára, ég held að það sé af því að hún er alltaf svo fullorðinsleg. Heimtar skólabækur eins og bróðir sinn og situr svo með honum að læra, skrifa stafi og "lesa" sögur.

Gegn Álveri í Straumsvík

2007-01-05T04:36:00.000-08:00

Það raðast inn hjá manni gjafirnar frá Alcan þessa dagana, Dvd diskar, dagatöl, boð á leiki og tónleika. Hvað er það annað en tilraun til kaupa á atkvæði ??

Alcan þið megið sækja draslið ykkar aftur því ég kýs gegn stækkun álversins og vonandi verður það til þess að þið farið með þetta drasl eitthvað annað. Svona monster eiga ekki heima nálægt íbúðabyggð og helst bara alls ekki á okkar fallega landi,, bless.. bless...

Tíu rök gegn stækkun álversins í Straumsvík 28. desember 2006 Eftirfarandi listi yfir rök gegn stækkun álversins í Straumsvík var afhentur fulltrúum Alcan í dag. Listinn er málefnalegt innlegg Sólar í Straumi inn í umræðuna um stækkun álversins.

1. Loftmengun
Frábær árangur í baráttunni við loftmengun í Straumsvík síðustu 20 árin verður að engu við stækkun.
2. Sjónmengun
Lóðin eftir stækkun verður jafn breið og hún er löng í dag. Línumannvikri vegna stækkunar á útivistarsvæði Hafnfirðinga og í nágrenni við íbúabyggð eru óásættanleg
3. Mengunarsvæði
Byggingarland okkar Hafnfirðinga er takmarkað. Í framtíðinni þurfum við að fá Straumsvíkursvæðið og 10 ferkílómetra mengunarsvæði álverkssmiðjunnar undir blandaða íbúðabyggð, iðnað, verslun og þjónustu. Með því að stækka álbræðsluna núna eyðileggjum við framtíðartækifæri okkar.
4. Samfélagsmál
Við erum ekki lengur fátækur útgerðarbær, við búum ekki við atvinnuleysi, við eigum ekki ótakmarkað land og við reiknum ekki með að börnin okkar vilji vinna í álbræðslu. Við erfum ekki landið frá foreldrum okkar, við fáum það að láni hjá börnunum okkar
5. Fjármál
Allt byggt land í Hafnarfirði í dag er 12 ferkílómetrar. Við stækkun skuldbindum við 10 ferkílómetra byggingarlands undir mengunarsvæði um ókomna framtíð. Í stækkunarhugmyndunum er ekki gert ráð fyrir krónu til okkar Hafnfirðinga fyrir þessa fórn. Óljós loforð um greiðslur fyrir fasteignagjöld og hafnarnotkun koma ekki í staðin fyrir hana.
6. Atvinnumál
Stækkun álbræðslunnar hefur engin úrslitaáhrif fyrir atvinnulíf í Hafnarfirði. Í dag vinna 230 Hafnfirðingar hjá álverkssmiðjunni . Í Hafnarfirði hefur störfum fjölgað undanfarin 7 ár um 240 störf á ári án þess að álbræðslan í Straumsvík hafi stækkað.
7. Virkjunarmál
Stækkun kallar á virkjun neðri hluta Þjórsár og hefur óafturkræfar afleiðingar fyrir náttúru Íslands.
8. Byggðaþróun
Innan fárra ára verður Straumsvíkursvæðið eitt það verðmætasta á höfuðborgarsvæðinu með tilliti til staðsetningar. Nágrenni við höfuðborgina og nágrenni við alþjóðaflugvöllinn gerir þetta landssvæði eftirsóknarvert fyrir hátækni- og sprotafyrirtæki. Mengunarsvæðið takmarkar eðlilega byggðaþróun í Hafnarfirði.
9. Ábati fyrir íslenskt samfélag
"Jafnvel þó að Íslendingar kæmust í hóp stærstu álframleiðenda heims og myndu virkja alla hagkvæmustu virkjunarkosti landsins, myndi arðsemi þess og hagur fyrir íslenskt samfélag aldrei verða meiri en sem nemur framlagi eins öflugs útrásarfyrirtækis" (Ágúst Guðmundsson, Bakkavör, febrúar 2006).
10. Loftslagsbreytingar
Í starfsleyfinu er engin takmörkun á útblæstri gróðurhúsaloftegunda sem valda loftlagsbreytingum sem eru alvarlegasta umhverfisvandamál í heiminum í dag
Sól í Straumi http://www.solistraumi.org/
þverpólitísk samtök sem hafna stækkun álverkssmiðjunnar í Straumsvík 28. desember 2006

Nýja árið hefst með látum

2007-01-03T08:44:00.000-08:00

Nýja árið hefst með látum, að kvöldi 2, janúar missti Sigmar fyrstu tönnina. Tönnin var orðin ansi laus þegar pabbi fékk aðeins að skipta sér af og úpps, ..þá datt hún og Sigmar hefur þroskast um heilt ár, enda er hann alveg að verða 7 ára. Tannálfurinn kom að sjálfsögðu í nótt og greiddi heilar 500 krónur fyrir þessa flottu tönn :)

Gleðileg jól og farsælt komandi ár

2006-12-29T04:11:00.000-08:00

Kæru vinir
Gleðileg jól og farsælt komandi ár !! Takk fyrir skemmtilegt bloggár sem hefur verið aðeins of latt svona á endasprettinum.
Takk fyrir þau jólakortin, þið sem voruð svo sæt að senda okkur fjölskyldunni.
Jólamyndir hjá krökkunum hér

Kveðja Berglind

kanntu að versla ?

2006-11-28T07:28:00.000-08:00

Jæja búin að draga aldeilis lappirnar með þessa síðu mar.
Ég vaknaði með andfælum um daginn þegar það braust inn til mín maður og skreið upp í rúmið mitt, en eftir að ég hafði nuddað almennilega augun , fannst mér ég kannast við kauða.. svo skaust upp í huga mér; jújú ég er gift þessum og lagði svo þungt höfuðið aftur á koddann. Já Siggi er semsagt kominn heim og lífið er að snúast í “eðlilegar”horfur. Ég er ákveðin í því að vera gift Sigga alveg sama hversu leiðinlegur hann verður í framtíðinni því róðurinn heima fyrir er andsk. erfiður án hanns. Svo er að styttast í New york, svo ég neyddist til að byrja á jólaskrautinu um helgina til að bæta upp þann tíma sem ég verð úti og við kjellurnar í vinnunni erum farnar að skoða gerfihnattamyndir af borginni á netinu svo við áttum okkur betur á fjarlægð milli einstakra verslanna, en það hefur farið fram svo kallað “pre”shopping sem þýðir á íslensku for-verslun. Þá er surfað á netinu og pantað í bílhlössum og sent á hótelið, þannig gefst betri tími í það sem kallast Self shopping en það er eingöngu verslun á sjálfið, hitt þarf nenfilega ekki að máta. Námskeiðið verslun 101 er kennt heima hjá mér fyrsta virka dag eftir nýtt kortatímabil, skráning á heimasíðunni, eina sem þarf að koma með er; gild kredit og debitkort og seðlar (pappírpeningarnir ,, ææ þeir koma í mörgum litum eftir upphæð, spurðu mömmu þína). Námskeiðinu er skipt upp í þrjá flokka;

Hópefli 1; Ekki hræðast það að versla mikið, umræður og hvatningaróp; þú getur verslað,þú getur verslað, dáleyðsla á eyðsluhömlum sem hafa myndast í undirsjálfinu.

Kerfisbundin verslun; að kaupa í búntum, kaupa frammí tímann, að flytja verðmiða á milli. Hvernig skíta á út vörur til að fá afslátt. Seld eru tæki til að klippa af þjófavarnir.

Eftirfylgni; hvernig þú eyðir sönnunargögnum og læsir heimabankanum svo makinn komist ekki á slóðina. “það sem makinn veit ekki særir hann ekki”.
Fyrirlestur frá Visa um greiðsludreifingar, hvernig hækka má heimilidir í gegnum síma osfrv.

Kaffi og kökur í boði á námskeiðinu, þjófavarnarklipparinn frír með ef þú kemur með gest.

2006-11-27T01:59:00.000-08:00

Kokkalandsliðið

2006-11-18T04:31:00.000-08:00

Jæja þá er kokkalandsliðið farið út að keppa, þið getið fylgst með á heimasíðu freistingar

2006-11-14T07:33:00.000-08:00

Loksins nýjar myndir

2006-11-06T12:19:00.000-08:00

Loksins nýjar myndir hjá Sigmari og Clöru, smellið hér

Siggi eigum við að koma í sund ?

2006-11-06T08:17:00.000-08:00

Sem betur fer hef ég ekkert nennt að mæta í ræktina lengi

Bólga

2006-11-06T07:38:00.000-08:00

Ég veit ekki hvað málið er, en mér finnst ALLT orðið svo dýrt eitthvað, er það þessi blessaða verðbólga sem ég hef aldrei nennt að pæla í eða...hrikalega steikt, er einhver annar að finna fyrir þessu?
Ég ætlaði að kaupa mér trefil og sá engan sem var undir 3500 krónum, ég spurði líka dömuna “Hver prjónaði þennan trefil ? Muhamed Ali eða Frank Sinatra ? þvílíkt verð, er þetta af einhverjum séröldum kindum sem lifa á jarðberjum og kavíar ? Hvernig er hægt að fá út þetta verð? Fyrir utan það að það er hægt að kaupa sér trefla á margföldu þessu verði ef maður er í stuði og veit ekki hvað maður á að gera við kúlurnar eða krónurnar, þjakaður hvorki af verðbólgu né vöðvabólgu og á afgang eftir Epal, Karen Millen og Betra bak. Hver hefur efni á þessu ? (annar er Ágseir brúnkuklútur Kolbeins og ljóshærði félaginn.)
Peningaseðlar, hvað er það?.. Mattador ??

VELGJA

2006-11-01T05:51:00.000-08:00

Sá einhver Innlit útlit í gær (31. okt) Ásgeir brúnkuklútur Kolbeins og hans frábæru íbúð. Ef ég hef einhverntímann fengið velgju af snobbi þá var það í gær, við Siggi áttum ekki orð. ÞEgar ég kom í vinnu voru vinnufélagar mínir sem höfðu séð þáttinn algjörlega sammála. Þá var Vala Matt nú mikið mikið betri fyrir almenninginn, það verð ég nú að segja , andsk.. hafi það. Þátturinn er endursýndur á sunnudögum, svo er hægt að horfa á þetta á http://www.skjarinn.is/skjareinn/innlendir_thaettir/thattur/store126/item950/ verði ykkur að góðu ;) Þau hefðu kannski átt að hugsa þetta aðeins betur (samabr. myndina) wahhhaaaaa

TRASH – fréttir

2006-10-04T03:46:00.000-07:00

TRASH – fréttir

Það stakk mig í augntóftirnar að þurfa að reka augun í annað sinn á sömu frétt um Jude Law í Fréttablaðinu.

Sér eftir að hafa haldið framhjá Siennu Miller

Leikarinn Jude Law sér mikið eftir að hafa haldið framhjá Siennu Miller. Hann segist hafa beðist afsökunnar, vill gleyma atvikinu og halda áfram lífi sínu (fréttablaðið 3.okt 2006).
Og who gives a flying fuck,, segi ég nú bara, haltu sprotanum í brókinni og stein þegiðu !

“Ég vildi ekki særa neinn.........segir Jude en hann hafði haldið framhjá Siennu með barnfóstru barna sinna”

Svona frétt tekur meira pláss í blöðunum en þegar fatlaðir vinna Olympiu-gull.

Hvað segir það um okkur ?
Erum við svona einföld og yfirborðskennd, eða halda blaðamenn bara að við séum það?

Fólkið á steypunni

2006-10-02T07:00:00.000-07:00

Fyrir okkur sem búum hérna á steypunni, þar sem hraði samfélagsins keyrir upp hjartsláttinn og herðir hægðirnar höfum aldeilis gott af því að skipta um umhverfi.
Það hafa stöðugar framkvæmdir staðið yfir á völlunum síðan við fluttum þangað og steypan sprettur upp eins og grár arfi um allt svæðið, svo hratt að við rötum ekki heim til okkar eftir vinnudaginn.
Borinn sem brýtur hraunið til þess að rýma fyrir nýjum byggingum “taataataaammmmtaaatammm” er stöðugur, svo stöðugur að ég var hætt að taka eftir honum þegar Siggi benti mér á brestinn í höfuðkúpunni á mér.
Það vill oft vera þannig að maður virðist geta vanist öllum fjandanum,
ég meina ef að Ameríkaninn gat vanist því að drekka klór sem vatn þá getum við vanist öllu ekki satt.
Hér á steypunni einagrum við okkur frá náttúrunni, yfir sjónvarpinu og tölvunum, í vinnuamstrinu, bílaöngþveitinu og Kringlunni í mannmergðinni í líkasræktinni eða sveittu stöppunni á skemmtistöðunum, það er ekkert skrítið þó fólkið á steypunni sé orkulaust.

Um helgina var ég í bústað á einstaklega fallegum stað í einstaklega góðum vina hópi og þrátt fyrir miklar vökur og hamagang í leikjum (þar á meðal í STO , sem ég hef ekki farið í síðan ég var barn) fékk ég margfalda orku til baka, ANDLEGA orku.

Þið kæra fólk sem þjösnist áfram á steypunni, ég hvet ykkur til að kíkja út fyrir um leið og þið hafið tækifæri til og endilega rifjið upp einhverja skemmtilega barnaleiki það er guðdómlegt ;)

Elskulegur eiginmaður…

2006-10-02T02:13:00.000-07:00

Maður og sínaggandi kona hans fóru í sumarfrí til Jerúsalem. Á meðan þau dvöldu þar, lést konan. Eftirlifandi eiginmanninum var sagt : "Þú getur fengið hana senda heim fyrir 5000 dollara, eða þú getur jarðað hana hér, í okkar helga landi, fyrir 150 dollara." Maðurinn hugsaði sig um í skamma stund og sagðist myndu vilja fá konuna senda til síns og þeirra heimalands. Maðurinn var umsvifalaust spurður.. "Afhverju viltu eyða 5000 dollurum til að koma konu þinni heim, þegar að það er frábært að jarða hana hér og aðeins fyrir 150 dollara?" Maðurinn svaraði, "Fyrir löngu síðan dó maður hérna, var jarðaður hér, og þrem dögum síðar reis hann upp frá dauðum. Ég tek ekki þá áhættu."

Clöru finnst ekkert leiðinlegt að hanga í leikskólanum ;)

2006-09-20T07:24:00.000-07:00

Ennnn..
ég hef ekkert getað skrifað að viti síðustu vikur, það er bara þannig að ég var að hefja svaðalegt átak þar sem keppni er hluti af dæminu og þeir sem þekkja mig vita að keppni er mjög alvarlegur hlutur fyrir mér af því ég þoli illa að tapa. Ég geng þó sjaldan svo langt að sparka í rassgatið á dómaranum eins og pabbi gerði um árið en eitthvað af genunum fékk ég og er bara ánægð með það. Eitthvað varð að taka við af Magna æðinu svo nú sit ég hér fötluð af harðsperrum í vöðvum sem hafa verið sofandi frá því ég fæddist. Ég læt mig síga á klósettið og held niðrí mér hóstanum af sársauka þar sem öll hreyfing er skelfing, vagga í hverju skrefi eins og það vanti á mig tíu tær og sviðna í upphandleggjunum við að laga á mér hárið. ERfitt ? JÁ

Ég las einmitt gamalt blogg frá mér í gær um líkamsræktarstöðvar og þetta er nákvæmlega sama tilfinningin, læt það fylgja svona að ganni ;)

Hvað er málið með þessar líkamsræktarstöðvar, afhverju eru klefarnir alltaf hafðir svona litlir? Hafiði pælt í því? Það á kannski ekki við um Laugar þar sem allt er svo stórt að maður ferðast berrasaður um allt eins og maður sé að versla í Bónus. Enn í lang flestum tilfellum er allt svo þröngt að maður þarf að vera búin að æfa jóga í 20 ár til að geta klætt sig úr án þess að límast við einhvern sveittann kerlingarass eða fá jarðaberja svita rollon uppí augað. Svo hamast maður við að koma sér í föt þarna í miðjum táfýlu-, svita- gufu klefanum og eftir nokkur olnbogaskot fyrir framan spegilinn hrökklast maður út jafn sveittur og þegar maður fór inn. Drives me NUTS !

p.s ég er einmitt að æfa í Laugum núna, berrasaða bónus hihi
Annars er ég með frábæra hugmynd fyrir þá sem eru í sálfræði, tékkið á fólkinu í líkamsrætarstöðvunum það er ákveðin hópur þarna sem er ekki alveg NORM, engir fordómar sko, ekkert slæmt að vera SPES ;)

2006-09-15T06:50:00.000-07:00

Veit einhver hvar maður fær sokka á 6 ára sem duga lengur en eina viku ? (án gríns)

Drengurinn er búinn að vera 3 vikur í skóla og hann er;

Búinn að klára upp 3 pör af sokkum
Gera göt á þrennar buxur
týna strigaskónum sínum
eyðileggja stigvelin sín
týna nestisbrúsanum og húfunni

Maður verður bara alveg gjaldþrota eftir veturinn !

Enn hægt að kjósa

2006-09-13T03:19:00.000-07:00

Enn hægt að kjósa kæra fólk !!!!!!!!!!!!!

MAGNA KOSNING

2006-09-12T07:14:00.000-07:00

MAGNA kosning í síðasta sinn !!!!!!!!!!!!!!!
KOMA SVO !!!!!!!!!!!!!!!!!

Hefnd

2006-09-06T07:33:00.000-07:00

SOFA HVAÐ?

2006-09-05T03:03:00.000-07:00

Koma svo !!!!!!!!!! nær og fjær kjósum eins og brjálæðingar, gleymið að taka pillurnar ykkar, vakið ykkur geðveik og komum kvikindinu ÚRSLIT.

ÞEIR SEM SEGJAST ÞURFA AÐ SOFA, GET A LIFE !!!

EF YKKUR LEIÐIST UM NÓTTINA KODDU Á SPJALL Á msn OG ÉG HELD ÞÉR VAKANDI MEÐ GÓÐUM HRAKFALLASÖGUM, ÞÚ GETUR SLEFAÐ Í KODDANN SEINNA. BLÓÐ, SVITI OG TÁR- MAGNA Í ÚRSLIT.

ER ÉG BÚIN AÐ MISSA MIG,,, UUU ,..JÁ

en það er allt í lagi...

Ferlegur föstudagur !!

2006-09-02T13:47:00.000-07:00

Föstudagurinn fyrir rúmri viku síðan var “cursed”.
Ég “einstæð” móðir eins og svo marga aðra daga vikunnar, frekar pirruð og þreytt enda föstudagsfiðringur í gangi sem átti sér enga von á útrás. Sjónvarpsdagskráin jafn sorgleg og aðra föstudaga og ég reif síðasta hálmstráið, gömlu reddinguna og ákvað að leigja DVD. Ég var ákveðin í því að veist að leigan varð fyrir valinu yrði botninum náð með stelpu-unglingamynd sem mig langar stundum að hella mér í en Siggi gefur mér aldrei tækifæri á svo nú yrði það “cheesee”. Börnin kættust framúr öllu við það að velja sér mynd og tóku heilan klukkutíma að velja sér og eftir hártog og garg, varð þreytta mamman að leyfa tvær myndir því ekki var séns á samkomulagi frekar en að Davíð og Ingibjörg Sólrún tækju sömu myndina. Það komst niðurstaða og hlaupið var á nammibarinn og pokarnir úttroðnir af gúmmíormum og öðrum litarefnum. Alsæl komum við að búðarborðinu og við tók afgreiðsla en 10 aðrir önduðu yfir axlirnar á okkur eftir afgreiðslu. Gaurinn tekur kennitöluna og pikkar inn, eftir andartak segir unglingaófétið OF hátt “ÞAÐ ER BARA BÚIÐ AÐ LOKA Á YKKUR OG SKULDIN ER KOMIN Í INTRUM” (fyrir þá sem ekki vita er það innheimta sem smyr óhóflegu magni fjár á upprunalega upphæð bara fyrir það að hóta lögsóknum) ég náttlega bara bráðna og verð reið allt saman á sama augnablikinu. Og spyr unglingaófetið “Hva meinarðu, skulda ég ????” og á meðan hoppar Clara í rassvasanum á mér “mamma má ég fá spóluna”….. og ég get svarið fyrir það mér liði ekki verr þó hún hefði rifið niðrum mig buxurnar á staðnum. JÁ .. (segir unglingaófetið) Það er mynd hérna sem hefur gleymst að skila í tvo daga og hefur ekki verið greidd , þúsund krónur og því hefur skuldinn verið send til Intrum, hefurðu ekkert heyrt í þeim”
NEIIIIIIIIIIIIIIIII (svara ég ) og það ríkur uppúr hausnum á mér, Get ég ekki bara borgað þennan þúsundkall???
Nei “þú getur náttlega bara tekið þessar spólur á aðra kennitölu” (segir unglingaófétið) á meðan öll runann af kúnnunum horfa á mig eins og glæpamann.
“NEI ég hef engann áhuga á því “ segi ég og vill ekki ræða þetta meir og finna meiri niðurlægingu enn ég finn nú þegar,, ég reyni að rjúka út en börnin eru farin að éta nammið úr pokunum svo nema ég vilji lögguna senda á mig neyðist ég til að snúa til baka og borga það og Sigmar hoppar “mamma hvar er STARWARS spólan ,, mamma… hvar er starwarsspólan”……
Ég hleyp svo út í bíl með börnin á eftir mér sem ekkert skilja hvað gengur á. xxxxx VIDEO til hamingju þið eruð verst rekna fyrirtæki sem ég hef nokkurntímann rekist á og mörg hafa þau nú ekki mellufæran standard, ég bíð spennt eftir reikningum frá Intrum.

Þegar manni líður eins og “nobody” er ekkert sem getur læknað það, en til að deyfa sársaukann tek ég stefnuna á skyndibita, eitthvað nógu andsk. feitt og hlaðið hitaeiningum sem sprengja alla skala.
REIÐ og “upset” keyri ég á næstu skyndibitakeðju og bíð í röð dauðans eftir lyfinu mínu, það er FÖSTUDAGUR for crying out loud, I need some happynesssssssssss. ÉG kaupi feita máltíð og bruna heim, börnin ekkert að skilja þetta. Þegar komið er heim og ég hef gefið þeim á disk , náð í að drekka og gert allt sem mömmur eiga að gera svo maturinn þeirra sé örugglega ískaldur þegar kemur að þeim sjálfum og ég bít af mikilli áfergju og nautn í djúsí stykkið finn ég eitthvað svolítið undarlegt, eitthvað svona “out of the ordinary” og ég ríf úr mér matinn ,,,,,WHATTTTTTTTTT…….. hvað er þetta ???????? gúmmí……NEI GÚMMÍHANSKI…. Hmmm átti hann að fylgja með…. Fingur af gúmmíhanska… ÚFFFF…. (þið hefðuð ekki viljað vera þarna) ég kúgaðist og grítti draslinu í ruslið, fór svo nokkrum mín seinna og náði í sönnunargagnið, setti það í skál til betri tíma (ef ég væri í CSI gæti ég fundið út úr þessu strax) Ég man ekki eftir öðru eins ógeði síðan ég steig óvart í mannaskít niðrí dal í einhverri vorferðinni þangað, af einhverri fáránlegri ástæðu höfðum við vinkonurnar farið úr skónum til að hlaupa í grasinu og þurfti ég endilega að stíga beint í volgann túrista mannarann sem smeig svona þétt uppá milli tánna. Það má segja að þessi lífsreynsla með gúmmíhanskann hafi komið í annað sætið á eftir þessu.
Gúmmíhanskinn var raunverulegur og það eina sem mér datt í hug á þessum tímapunkti var að hringja í einhvern til að fá andlega aðstoð en hvað setti punktinn yfir I-ið , hver var rúsínan í pylsuendanum, kirsuberið á ístoppinn…. JÚ Síminn dó dauða sínum, hann kvaddi á þeim tímapunkti er ég þurfti einmitt mest á honum að halda helvítið. Ég hafði snúið mér of skart eftir nokkra bjóra inná baði um daginn og hann hafði tekið flugið í klósettið í nokkrar sek, búin að vera í andaslitrunum síðust daga en valdi að deyja akkurat þegar ég þurfti mest að hringja, sennilega til að hefna sín á áralangri misnotkun.
Ef að mér hefur einhverntímann langað í Gin og tonic þá var það þarna.

Freyja við söknum þín

2006-09-02T03:50:00.000-07:00

Þetta er hún yndislega Freyja (Hildar systir) sem er orðin svo dugleg, klappar höndum, segir hvað hún er stór og er farin að sitja eins og herforingi,, ohhh hvað við söknum hennar :(

KOSNINGAVAKA

2006-08-28T16:24:00.000-07:00

Jæja þá er þátturinn í kvöld !!! ALLIR að kjósa.
'eg minni á þáttinn á skjá einum milli 6 og 7 þar sem verður upphitun. Ef ykkur vantar einhverjar upplýsingar um hvernig á að kjósa osfrv þá eru þær á þessari síðu hér

Fullt af kaffi og góða skemmtun !!!!!!!!!!!!!!! jí haaaaaaaaaaaaaaaaa

Síminn minn er illa haldinn

2006-08-28T15:47:00.000-07:00

Ef einhver þarna úti er að reyna að ná í mig í gsm og ég svara ekki, þá er það ekki af því mér er illa við ykkur heldur er síminn minn illa haldinn. Mun segja ykkur söguna af því seinna.

Brúðkaupsafmæli !

2006-08-28T04:02:00.000-07:00

Já við Siggi áttum brúðkaupsafmæli í gær, ótrúlegt að það sé liðið heilt ár.
Vorum í bústað á laugardag, en ætlum út að borða í ´kvöld á Indian Mango, höfum heyrt gott af honum.

og meira Magnað efni

2006-08-27T10:09:00.000-07:00

EF þið viljið hlusta á Dolphins cry með Magna þá er það hér það er hægt að horfa á það aftur og aftur, bara geggjað

Og hér er Creep sem hann söng reyndar veikur

Og svo Starman sem mér finnst geððveikt flott hjá honum hér

Að lokum með Á móti sól hér

Á þriðjudag verður upphitun fyrir kosningavöku í þættinum; milli 6og7 á skjá einum, ekki missa af því.

Aðal íslenska Rock-star síðan

2006-08-25T04:25:00.000-07:00

Hæ öll !! Kíkið á AÐAL íslensku Rock star síðuna með því að smella hér

ÞAÐ munaði bara NOKKRUM TUGA atkvæða að Magni SLIPPI við B3 þessa vikuna... svo allt kjaftæði um að við séum of fámenn þjóð og bla bla að við getum hvort eð er ekki haft nein áhrif er bara rugl.

Ertu Íslendingur? Ertu með internettengingu?

Málið er að nú er strákurinn "okkar" búin að vera 2 vikur í röð í einu af 3 neðstu sætunum þrátt fyrir frábæra frammistöðu, og það eru afar miklar líkur á því að verði hann þar 3ju vikuna sé þetta búið hjá honum. Við viljum öll hjálpa honum að komast lengra, helst í úrslitaþáttinn 13. sept. Til að minnka líkurnar á því að hann verði sendur heim í næstu viku, verða allir þeir sem finnst "alveg frábært hvað honum gengur vel" en hafa aldrei gefið honum atkvæði sitt, og með því hjálpað honum, að taka á sig rögg og kjósa hann. Atkvæðagreiðslan fer fram aðfaranótt miðvikudaga á milli klukkan 02 - 06 um morguninn. Næst verður kosið aðfaranótt 30. ágúst . Nú er ekki hægt að búast við að fólk almennt vaki alla nóttina til að kjósa hann, en þeir sem á annaðborð vakna um 7 leitið til að fara í vinnu eða skóla, gætu, án þess að leggja mikið á sig, vaknað aðeins fyrr í eitt skipti í vikunni, sest við tölvuna sína, á tæknilandinu Íslandi eru allflestir með tölvu og nettengingu, og kosið á http://rockstar.msn.com/ þar er hægt að kjósa eins oft og maður hefur úthald til og kostar ekki neitt. Sérðu í anda íþróttaáhugamenn, sem hefðu tækifæri til að hjálpa landsliðinu í handbolta t.d. sleppa þvílíku tækifæri til að hjálpa þeim áleiðis !!!!!!!!! Nú erum við Íslendingar vön að styðja heilshugar við bakið á okkar fólki sem er að gera það gott á alþjóðavettvangi - svo gott fólk - brettið upp ermar og hjálpið Magna til að komast í úrslitaþáttinn, nú ef það tekst ekki getum við ekki sagt að við höfum ekki reynt !!!!!!!!!!!! Með baráttukveðjum og Magni í úrslitin þann 13.september
Endilega sendið þetta áfram á póstlista ykkar.
Leiðbeiningar um hvernig á að kjósa: http://www.picturetrail.com/gallery/view?p=999&gid=12321387&uid=6350663
Ath. sumir hafa lent í vandræðum með að kjósa, stundum þarf að breyta tímasvæðinu í tölvunni eða “refresha” síðuna.

Sigmar í skóla

2006-08-23T08:02:00.000-07:00

"Litli" gaurinn minn er að byrja í skóla.
Ótrúlegt hvað tíminn líður og ekki yngist maður við að tönglast á þessari setningu sem maður heyrði foreldra sína og ömmur og afa segja aftur og aftur... "mikið líður tíminn hratt".

Já Sigmar er að byrja í Hraunvallarskóla og ég er dauðskelkuð, algjörlega "terrefæd"

Mikið búið að pæla í útbúnaðnum, tösku, litum, fatnaði og öllum þeim pakka, úmbúðir hinnar óumflýjanlegu skólagöngu, sem by the way er engin skiptimynt. Kortið er brætt og vasarnir holir.

Ég fer ýkt af stað eins og oft áður, er að fara að baka með látum til að hafa í nestisboxið, hollar uppskriftir frá Sollu grænum kosti (þú þekkir mig á myndinni), veit ekki hvað ég endist í því ..sjáum til..

Það fer ekkert sérstaklega vel af stað programið, Bæði ég og Siggi höfum dregið greyjið barnið á ímyndaðar skólasetningar, hann á mánudag og ég í gær. Fylgjumst greinilega ekki alveg nógu vel með...hmm...

Clara: "og hvenær byrja ég svo í skóla eiginlega eftir 10 ár eða"

Nú er að duga eða drepast

2006-08-22T04:08:00.000-07:00

Til halda Magna okkar frá bottom 3 er skilda að kjósa í nótt. Ég er þannig að ég verð alltaf að fara "snemma" að sofa eða ekki seinna en miðnætti, svo ég ætla að fara að sofa kl10-11 og láta klukkuna vekja mig til að staulast framúr og kjósa, liggja yfir tölvunni og skutla inn atkvæðum í akkorði.
Magni er víst búinn að vera veikur svo ...fleiri atkvæði..
Hver ætlar að vaka og kjósa? KOMA SVO !!!!!!!!!!!!!!!!!

og aftur Rock star...

2006-08-17T03:40:00.000-07:00

Lét mig hafa það að vaka í gær, sem betur fer. Magni lenti í bottom 3, meira kjaftæðið, ég fékk kvíðaæxli í magann sem óx eins og stjórnlaus kolkrabbi og teppaði súrefnisinntökuna þannig að ég blánaði í framan í sófanum.
Hann byrjaði rólega, ennþá í sjokki held ég að hafa lent þarna og tók sig svo á flug og gaf orðinu gæsahúð nýja merkingu, hann opnaðist og gaf allt, ekkert geymt eða sparað,
bara "hér hafiðið það þið sem hélduð að það væri safe að sleppa því að kjósa mig"

Ripp Rapp og Rupp sögðu hann hvergi farinn og hann skildi henda sér á rassinn með the other rockers.

Dilana var góð, en satt best að segja minnir þessi raspaða rödd á appelsínugult rasp, það er gott með einum rétti en ef maður ætti að borða allt með raspi, kjöt í raspi, fisk í raspi, ís með raspi þá verður það frekar "boring", heil plata með raspi marr úff... héldi það ekki út.

Ryan jafn LOST og áður, spurning um að láta CBS vita af gaurnum og fá honum hlutverk í þáttunum, hann mundi sóma sig vel alveg obbosslega LOST í þáttunum LOST nema hann gerðist einlægur og mundi semja lag "Lost in me" og syngja það fyrir Supernova þá á hann séns.

Patrice hangir inni, á hverju veit enginn, eina sem mér dettur í hug er að sultugerasamfélagið sé vanmetinn hópur innan Rokksins, kannski þaðan sem stórsveitin Pearl JAM er upprunnin.

STORM hún er BARA í góðu formi, hún hlýtur að drekka prótein drykki á meðan hinir eru í bjórnum, en hún fór hrikalega með lagið í gær og átti að vera í bottom 3 í staðin fyrir Magna.

Toby- Flott lag, náði ekki alveg taktinum en söng vel, fór aðeins yfir strikið þarna í partýinu, spurning um að halda coolinu eða hvað?

Lukas, á allt of mikið af aðdáendum sem elska muldrið í honum,
Eitt snilldar comment á rockstar síðunni þar sem fólk er að ræða það hvort Lukas eða Magni hafi sungið Creep betur:

"Magni's got the voice, Lukas has my eyeliner!"

Bara snilld !!!!!!!!

og meira af gluggum...

2006-08-16T03:59:00.000-07:00

Ég var að tala við hana Susan vinkona mína í Tennesse og segja henni frá gardínumálunum þegar hún sagði mér frá sínum gluggamálum;
"Last year I replaced all the windows in my house with those expensive double pane energy-efficientkind. Then, this week I got a call from the contractor who installed them. He was complainingthat the work had been completed a whole year ago and I still hadn't paid for them.Now just because I'm blonde doesn't mean that I am automatically stupid. So, I told him just what his fast talking Sales guy had told me last year.... Namely, that in ONE YEAR these windows would pay for themselves! Helllooooo? It's been a year!There was only silence at the other end of the line, so I finally Just hung up. He didn't call back. Bet he felt dumb!

Susan , gerðu mér greiða.. ekki breytast !!!

hmmmm...

2006-08-15T07:43:00.000-07:00

Íbúðin beint á móti okkur , hinum megin við bílastæðið er TIL SÖLU !!!

Skildi það hafa eitthvað með það að gera að við höfum ekki fengið okkur stofugardínur ennþá?
Voru þau búin að fá nóg af rassa-spékoppum okkar Sigga að striplast á klósettið morgna sem nætur??
Erum við "ugly naked people" eins og í Friends.
Hrekjum við fólk úr íbúðum sínum og lækkum fasteignaverðið í hverfinu.

OMG.. loksins komin skotheld ástæða til að spreða í draumagardínurnar.. jihaaaaaaaaa...
og nýtt kortatímabil........
tvær flugur undir sama spaða............ I rest mæ case

p.s .
og þriðja flugan..
vonlaust að horfa á landsleikinn í þessari sól, sést ekkert á kassann...
alveg að sjá það núna að gardínur eru lífsnauðsynlegar..algörlega vanmetið apparat..

RockSTAR greining

2006-08-10T06:53:00.000-07:00

Ég viðurkenni það hér og nú að ég er alveg húkkt á þessu, maður er ekkert búin að sofa yfir þjóðhátíðina og svo taka andvökunætur yfir þessu við, þetta er bara vinna og ekkert annað..........
Magni var MAGNaður og var með sinn besta flutning að mér finnst í gær.
Órafmagnaða útgáfan í gær gjörsamlega geðveik. Heyrði lagið með "Live" í útvarpinu á áðan og Magni gerði það margfalt betur í gær (Live getur bara pakkað saman).

Mikið var nú gott að losna við Pamelu-2 en gaurinn hefði alveg mátt hanga inni.
Zayra eða hvað hún heitir er algjört freakshow og ég get ekki með nokkru móti hlustað á hana af alvöru en hún er flugeldasýning, sem dregur að, það er bara spurning fyrir hvað vill hún vera þekkt fyrir. Alltaf verða fötin svæsnar og þröngari,´ ég bíð bara eftir að hún performi á túrtappanum einum saman.
Ryan alltaf með þessi "wannabe" sexy augu ,,og ég held að það hafi allir séð í gegnum það og þess vegna lenti hann í 3 neðstu þó hann hafi sungið ágætlega.
Patrice eitthvað svo fyndin, hún er pottþétt 5 barna heimavinnandi sultugerðakona sem stelst út á kvöldin , ímynd sem bara nær engu samhengi "what so ever".

Svo er löngu kominn tími á að Brooke og David losi um þessa spennu einhversstaðar fyrir luktum dyrum.

OHHH.. of langt í næsta þátt

ER líf eftir þjóðhátíð ?

2006-08-09T03:09:00.000-07:00

Þjóðhátíð 2006

2006-08-03T03:15:00.000-07:00

Það lítur allt út fyrir það að við séum á leið á þjóðhátíð !!!
Það hefur verið sagt við mig í mörg ár "ég veit þú kemur" og í nokkur ár hef ég brugðist.

Við Siggi verðum með Ástrala með okkur svo það verður mikil sáluhjálp og allavegana andlegur stuðningur við að leiða þessa ólíku heima saman (marr náttlega var í Ástralíunni í den svo marr.. rifjar upp hreiminn og lætur flakka)

Þjóðhátið er mesta skemmtun í alheiminum .. punktur..

"Ég veit þú kemur"

FRom Spain to the rain

2006-07-23T05:36:00.000-07:00

Jæja, við erum lent eftir 2 vikna ferðalag og hálfert meðvitundarleysi vegna hitabylgjunnar.
Höfðum það rólegt á eyjunni Menorca sem er systir eyjunnar Mallorca sem kannski fleiri Íslendingar kannast við. Þarna eru um 30 strendur svo það var aldrei sami staðurinn sem varð fyrir valinu hvern daginn, en vegan hitans var það ávallt fyrsta markmið að komast í kælingu, sjó eða sundlaug.
Ég keypti mér bók á flugvellinum sem ég og Siggi spændum upp undir sólhlíf á nokkrum dögum og ég verð a minnast á hér , við “rifumst” um hver ætti að fá að lesa næstu 10 blaðsíður. Þetta er svona bók sem æsir það upp í manni að láta alla vita af því að hún sé til þegar maður hefur klárað hana, hún er það góð. Þetta er sönn saga manns sem glímir við fíkn en hún hefur undirliggjandi sjálfsskoðunar point sem allir hafa gott af að lesa, fyrir utan það þá þekkjum við öll fólk sem glímir við einhversskonar fíkn og bókin skýrir mjög vel hvað fíkn í raun er, hljómar kanski þungt og vandamálalegt en er það alls ekki , ég mæli með henni , hún heitir Mölbrotinn (Million little pieces) eftir James Frey.
Við tókum svo nokkra daga í hinni stórbrotnu borg Barcelona, þvílík borg. Gengum römbluna upp og niður fram og til baka þar til ekkert var eftir af skónum. Börnin höfðu mikið gaman af því að horfa á listamennina sem röðuðu sér um allt til að sýna listir sínar fyrir fáeina aura. Byggingarnar þvílík meistaraverk svo maður fær minnimáttarkennd. Við urðm að sjálfsögðu að skoða nýjan heimavöll Eiðs Smára hjá Barcelona, það er vonandi að maður eigi það eftir að kíkja á leik á þessum flotta velli.
Ekki skal rakið frekar ferðaplanið en fleiri myndir eru svo á heimasíðu Sigmars og Clöru hér

sorry.. ekkert blogg af því ég er hér....

2006-07-08T05:32:00.000-07:00

eða hér....

pósta kannski ef ég finn tölvu ;)

2006-07-02T05:33:00.000-07:00

Sigmar kominn með spánar-klippinguna :)

2006-07-01T15:02:00.000-07:00

Sætu frænkurnar Kristrún Ósk, Clara og Rakel

FRí .. frí.......dirrindí

2006-06-27T16:39:00.000-07:00

Ég er að renna í frí eftir þrjá heila daga, letin er að drepa mig, ég er eina lifandi afturgangan í mannskynssögunni.
Í náttfötum með lyftiduft undir iljunum, ekki af því ég er að vonast til að lyftast eitthvað eða hækka, ég einfaldlega missti stauk af lyftidufti og það situr eitthvað ennþá þarna í undir- iljakrumpunum. ÞAð er letinni að kenna að þetta er innihaldslausasta blogg sem sett hefur verið á vefinn, lyktarlaust prump, aðvörunarmerki um andleysi mitt og hungur í FRÍ.
Nú er þörf á að hlaða batteríin, fylla tankinn, endurnærast og núllstilla. Taka sér frí frá Bachelorette, ríkisstjórninni, gsm símanum tyggjókúlutónlistarmyndböndum, háhæluðum skóm, vekjaraklukkum, umferðarteppum og 12 mánaða hausti.
Þið vitið hvað FRÍ stendur fyrir:
Farðu í Reisu frá Íslandi
(Visa rað here I come)

Auglýsing

2006-06-20T12:58:00.000-07:00

Auglýsing- Auglýsing-
auglýst er eftir sumri sem var lofað fyrir árið 2006.
Það sást til þess um miðjan maí mánuð, þar sem það kveikti veika von landans um hlýja strauma. Stakk hún svo af og skildi okkur eftir á ullarbrókinni, með grýlukertið niðrúr andlitinu, gluggasköfu undir hendi og hor.
Fréttir herma að kvikindið sé að leika sér að kroppum aðeins sunnar og nenni ekki að koma hingað enda búið að gera feitann samning við FL GRoup um að halda sig utan landhelginnar.
Talið er að þetta hafi engin áhrif á ferðaiðnaðinn á Íslandi þar sem ferðablaðið TRAveling Windlovers greindi frá rannsókn sem leiddi í ljós að aðeins stórfurðulegir einfarar með "forrest Gump heilkenni" vilja koma til Íslands til að hjóla sig niður og jú karlmenn í leit að kvenlegum svefngalsa byggðum á markaðslegum misskilningi og þá skiptir nesti og veðrátta engu máli.
Þessi veðrátta er að kosta heilbrigðiskerfið nokkra gáma af Prosac, íslendingar hafa byggt utan um sig viðarbox (sólpalla) í öllum görðum sem standa nú til einskis- viðurinn bara vökvaður og ekkert annað, tjaldhælarnir halda að það hafi orðið heimstyrjöld fyrir ofan kjallarann því enn hafa þeir ekki verið viðraðir og blessuð börnin eru enn í sokkabuxum og halda að þau hafi fæðst í þeim.

Ég reyndi að ná í ferðaskrifstofu í dag en það var alltaf á tali,
WHAT A SURPRISE !!!

X-Bella

2006-06-15T13:10:00.000-07:00

Leiðinleg tík þessi pólitík !
Samt er ég að pæla í að fara í framboð, komast í ríkisstjórastól, skipta rasskinnunum á milli samgönguráðuneytis og umhverfisráðuneytis. Mitt fyrsta verk verður að byggja gróðurhús yfir landið, með hurð sem opnast eins og lyfta, hurð stýrð af flugmálastjórn, einhver dúddi með lyftupróf og við erum góð. Veðurfarið mundi STÓR batna (ekki getur það versnað), getum sparað fúlgur með að loka veðurstofum og gróður færi ofvöxt, getum hætt kvótabraski og selt ávexti og grænmeti í tonna tali.
SVo mundi ég selja öll sendiráðin út í heimi og byggja lúxus íbúðir fyrir aldraða þar sem þau fá að búa frítt, með spilavíti, nuddstofum, barþjónum, stefnumóta-þjónustuverum og hálaunuðum starfsmönnum sem elska að setja rúllur í gamlar konur og tefla við gamla karla, fara með þá bryggjurúnt og naglalakka tærnar á konunum fyrir svefninn.
SVo mundi ég breyta álverunum í íslensku-skóla fyrir innflytjendur og fá Gunnar í krossinum til þess að heilaþvo fólk sem telur það skynsamlegt að virkja landið upp til agna.
Ég mundi taka saman allan pening sem fer í fundarkostnað og risnur á vegum alþingis og borga leikskólakennurum sérstaklega mannsæmandi laun fyrir að ala börnin okkar upp með okkur og láta búa til neðanjarðar lestarkerfi fyrir afganginn (sem by the way nær til Vestmannaeyja).
Ég mundi vingast óstjórnlega við dómsmálaráðherra og fá hann til að þyngja refsingar við kynferðisbrotum um nokkur hundruð prósent.
Ég mundi gera enska boltann að þjóðareign á RUV, allan aðgang að meistaradeildum handbolta og fótbolta þannig að það gerist aldrei að við missum af leik (ég veit .. kannski ekki forgangsatriði fyrir alla, en kjósendur mínir treysta á þetta)
Svo mundi ég skipa öllum fasteignasölum að skila in 2% af hagnaði sínum fyrir síðasta ár og fyrir það mundi ég hækka standard og skipulag á heilsugæslunni og hafa hann í sama flokki og fólkið sem vinnur þar , sem sagt framúrskarandi.
Ég mundi láta olíufélögin skila ránsfengnum vegna samráðsins og kaupa geðsjúkrahús með öllu tilheyrandi og eyða þannig biðlistum uppá yfir hundruð barna og fullorðinna sem ekki fá þjónustu sem þau eiga rétt á.
Þetta eru svona fyrstu dagarnir,, ég læt ykkur vita með restina eftir að þið hafið kosið mig...

Áfram Ísland

2006-06-08T09:47:00.000-07:00

Guðjón Valur nýlega kosinn besti leikmaður þýsku deildarinnar.

Ég ætla á leikinn þó eg sitji ein, vú hú...

Óvænt heimsókn

2006-06-07T07:19:00.000-07:00

“Vinkona”mín Evelyn frá Ástralíu bankaði uppá hjá mér í síðustu viku. En það eru liðin 13 ár frá því ég var skiptinemi og því tók mig fáeinar mín að átta mig á Evelyn. Hún hafði aldrei farið í flugvél áður , drakk heila flösku af Benelyn á leiðinni til að róa sig niður og missti af fluginu með Singapore Airlines, var rúllað út úr vélinni steinrotuð í hjólastól, veskinu hennar var stolið og maður í ofþyngd hafði sest á krókudíla dundee hattinn hennar sem varð þá að hefja nýtt líf sem diskamotta.
Það er ekki hægt að segja að við séum eins og flís við rass, ég öllu heldur velti því alvarlega fyrir mér hvort það geti verið að ég hafi verið á sterkum lyfjum þarna fyrir 13 árum, spurði hana hvort hún hafi fengið heilablóðfall eða persónuleikaröskun síðust ár en hún svaraði því neitandi.
Ekki má gleyma því að hún tók með sér hund sem hleypur á veggi og kött með þvagfærasýkingu . Þau voru komin til að vera í heimsókn í mánuð (HEILAN MÁNUÐ).
Og Siggi mundi snögglega eftir því að hann var að fara í veiði.

Eftir 4 daga gafst hún þó upp á veðrinu og skildi ekki hvernig fólk gæti búið hérna af fúsum og frjálsum vilja, kötturinn þurfti að fara í aðgerð (þurfti að vera allt of mikið með þvaglegg þar sem hann gat ekki pissað hvar sem var hérna sökum kulda) og steyptu veggirnir voru að valda hundinum varanlegan heilaskaða....... svo hún vildi komast heim, henni fannst líka íslendingar allt of örir (hröð þónustan í búðunum hræddi hana) og íslendingar voru of duglegir fyrir hennar smekk, fannst þeir leggja ofur kapp á útlit og efnishyggju, díesel buxur og jeppa. Henni fannst sem sagt hún búin að vera í mánuð á þessum 4 dögum og vildi burt.
Ég grét ekki þegar hún fór,
En þar sem ég stóð á flugvellinum í kvartbuxunum mínum með bláar lappir af kulda velti ég því óneitanlega fyrir mér hvort vitlaust væri að skipta á kapphlaupinu og rólegheitunum í 30° heitu Ástralíu hmmmmmmmm..
.....ég mundi samt gleyma því að heimsækja Evelyn.....alveg örugglega..gleyma því....

2006-06-04T11:47:00.000-07:00

Nýjar myndir hjá Sigmari og Clöru hér eða www.barnaland.is/barn/37460

Sumarfrí með börnunum

2006-06-02T08:09:00.000-07:00

Olga darling veitti mér innblástur fyrir þetta blogg sem ég varð að láta fæðast en bloggið hennar hér er m.a. um sumarfrí með börnunum. Mig langar að bæta við þetta að ég man eftir einhverju viðtali við ágæta konu sem stjórnaði stundinni okkar áður en Birta og Bárður komu til sögunnar sem hefur eitthvað náð að hanga í einhverjum minnissellum en hún sagði að hamingja barnanna fælist ekki endilega í sem mesta prógraminu í sumarfríinu, brjálaðri námskeiða dagskrá, bílferðum osfrv. Oft eru bestu minningarnar þær bara að sitja út á stétt með kex og djús með mömmu, pabba , ömmu eða afa.
Nú hefur einmitt verið afsönnuð kenningin "quality over quantity" eða "gæði framyfir magn" . Uppteknir foreldrar hafa getað varið sig með því að segja "þó ég hafi mikið að gera þá eyði ég þessum eina klukkutíma með barninu mínu mjög vel í lestur eða föndur (bonding)", en þetta var talið aðal málið. Nú hefur það aftur á móti verið sannað að það sé betra fyrir barn að foreldrar séu til staðar, börnin finni nálægð foreldris þó þau séu ekki endilega að leika við það allan tímann. ÞAð er öryggistilfinningin sem skiptir gríðalegu máli. Afslappaðir foreldrar að pumpa í hjóladekk og takandi utan af frospinna útí garði er semsagt bara oft betra en stressaðir foreldrar dragandi börnin í Disney í 40 stiga hita, uppgefin í biðröðum eftir næsta atriði..

Nærvera
Amma mín heitin vildi alltaf fá margar heimsóknir og þegar við komum vorum við oft hissa á því að hún var nú ekkert voða mikið að spjalla, stundum jafnvel horfði hún bara á sjónvarpið og auðvitað velti maður því fyrir sér, afhverju vill hún vera fá okkur í heimsókn ef hún ætlar ekkert að spjalla við okkur. En um leið og við sögðumst vera að fara , vildi hún það alls ekki. Það var bara nærveran sem var svo notaleg.
Þó nærveran sé hljóðlát og án mikilla tilþrifa þá skal ekki vanmeta hana, sérstaklega ekki á þessum tímum áreitis þar sem tíminn er nýttur mín. fyrir mín. í hin margvíslegu "verkefni" nútímans.

Gæsin Silvia Nótt og fylgdarlið í Kaupmannahöfn

2006-06-01T15:00:00.000-07:00

Í tivoli

.
Silvia (Linda) fékk mikla athygli á strikinu og vildu börn sem fullorðnir fá mynd tekna með henni, hvort fólk hafi áttað sig á því að þetta var ekki sú eina sanna er ekki alveg á tæru, hún var allavega okkar eina og sanna.

BESTA ferð ever !!!

2006-06-01T14:19:00.000-07:00

Jæja, ég var að koma úr bestu ferð ever, með bestu VÍN-konum. ´Við lentum á mánudaginn og það hefur tekið nokkra daga að jafna sig, enda ekki mikið sofið, meðaltalið var 3 klst á sólarhring án gríns, allur tími vel nýttur enda var svo gaman að við vorum við það að pissa í okkur af hlátri í hvert skipti sem einhver opnaði munninn. Aðal dæmið var að sjálsögðu "gæsið" en við náðum að koma Lindu algjörlega á óvart með að vera komnar allar til Köben, þó að við værum búnar að vera að rifna af spenningi síðan í Janúar sem náði hámarki nokkrum dögum fyrr með svefnleysi og niðurgangi,, haha... ÉG afhenti þeim ferðablaðið sem ég hafði verið að braska við síðustu dagana í Leifstöð þegar fyrsti bjórinn var opnaður og vakti það sem betur fer þá lukku er ég hafði vonast til. Ég ætla svo sem ekki að fara ofaní smáatriði ferðarinnar enda tæki það margar, margar blaðsíður og eins og ein orðaði það "what happend in Copenhagen stay´s in Copenhagen.. hehe ..Þó enginn hafi nú hagað sér eitthvað illa ;) Hér eru nokkrir punktar ;Djamm, gæs- Linda glæsileg Silvia Nótt, tivoli bara gaman, út að borða á fínum stað, 3 hæða skemmtistaðir, rauða gatan, "hós.. on the corner", Christjania, aðeins vafasamara en við héldum, klifrandi yfir veggi í sparifötum-vorum orðnar seinar (íbúðin var bara með tvo spegla og eina sturtu), 8 stelpur í náttfötum með hláturskast, koma heim undir morgun og heilsa skokkurum kaupmannahafnar góðann daginn-gaurinn í lobbý-inu hlær að okkur, versla af okkur hendurnar þar sem HM var kortlögð svo næðist að hrifsa sem mest- sýning á varningi, syngja saman með hásri röddu á karókibar eurovisoin lög, kokteill stærri en andlit og mettandi á við 6 rétta máltíð. .......gæti haldið áfram......

Eina slæma við þetta er að nýjar broshrukkur hafa bæst í safnið,
já það er hægt að fá verki í kjálkana af því að hlæja.
SNILLD !!! ..hmmm hvenær förum við aftur ????

Smá pása ,, fram yfir helgi,,þá kem ég sterk inn

2006-05-24T04:20:00.000-07:00

er í andlegri lista- samantekt. Tek mig saman í andlitinu að lokinni helgi og varpa fram niðurstöðum líðandi stundar. Lyklaborðið fraus þegar haustið kom aftur í vikunni, þetta var stutt sumar ! svo ég er upptekin við að skoða ferðir erlendis, ég lofaði börnunum að þau fengju að prófa að spóka sig án þess að vera í sokkabuxum í sumar, það gerist ekki hér, nema ég byggi utan um þau glerbúr með hitablásara, og ég bara nenni því ekki..
Love Bella

Áfram Silvía !!!!!!!

2006-05-18T08:33:00.000-07:00

Þvílík Steypa !!

2006-05-09T04:15:00.000-07:00

Long time no see, brjálað að gera .
Ég kom heim til mín í gær og snéri við í dyragættinni viss um að ég hefði labbað inn í vitlausa íbúð. Það var búið pakka allri búslóðinni inná flísarnar, inná bað og út á svalir, teppið var farið og það var bara grá steypa sem blasti við mér, skál með ávöxtum undir borði, sængur í keng og það bergmálaði, þegar ég kallai “halló”. Hvað var að gerast ? Enginn heima.
Ég reyndi að hringja í Jórunni vinkonu til að spyrja hana hvort hún hafi ekki örugglega verið í heimsókn hjá mér bara í gær þar sem allt var svo huggulegt og við drukkum kaffi með hvítar rósir í glærum vasa, svo pent (var ég búin að liggja á spítala í COMA í marga mánuði á meðan aðrir keyptu íbúðina????? )
Siggi kom svo heim, dragandi stórt tæki, sagði mér að við værum að fara parketleggja og nú þyrfti að pússa steypuna. Monsterið var vakið (vélin) og þvílíkur kraftur, það skoppaði einhvernverginn um , hentist áfram svo það var engu líkara en að Siggi væri með brjálaðan hund sem togaði hann og rykkti út um allt. Ég átti svo að sópa steypurykið, við vorum fljótlega gráhærð af steypuryki, ég ennþá í skrifstofufötunum, svörtum sparifötum sem gránuðu með hverri mínútunni, ég var svo hrædd við monsterið sem Siggi virtist enga stjórn hafa á, sem reyndist svo ekki að ástæðulausu. Kvikindið nartaði í skóinn hjá mér, siggi missti tryllitækið aðeins of langt frá sér svo tækið beit stykki aftan af hælnum mínum, fínu skrifstofu stígvélunum sem reyndar voru orðin grá. Við Siggi náttlega bara fórum að skellihlægja yfir þessu þó mér væri mikið brugðið. Með hálfétinn hæl og grátt hár var haldið áfram, siggi setti viskustykki fyrir vitin og sundgleraugu, dísess þvílíkt lúkk á genginu. Þegar búið var að sópa það mesta byrjaði siggi bara að ryksuga restina af steypunni og það leið ekki á löngu þar til ryksugan gaf upp andann, andlát ryksugunnar var fremur hljóðlátt og enginn var beint hissa, þetta var eins og að troða fitu niður kokið á manni og bíða eftir hjartaáfallinu það hlaut að koma. Svo var ákveðið að fara út að borða, þar sem allt sem var í boði á heimilinu var með ryki, brauð með ryki ,ávextir með ryki, kornfleks með ryki osfrv. Svo það var Pilsburys fjölskyldan sem fór á American style, reyndum að vísu að skipta um föt, en rákum okkur alltaf utaní einhversstaðar á leiðinni út, Clara reyndi þrennar buxur.
Mæðuleg fjölskylda á “Stælnum”
Ég hóstaði og það kom ryk, ég fór og snýtti mér og það kom steypa, ég sá ekki út.. enda gleraugun þakin ryki, þvílíka ástandið.... þvílík steypa..

Þessi upplifun fer á harðadiskinn

2006-05-02T04:45:00.000-07:00

Við fórum á stórkostlega tónleika á laugardaginn hjónin. Simmi bróðir Sigga bauð okkur ásamt nokkrum öðrum gleðipinnum og það var BARA frábært. Garðar Thor Cortes í allri sinni dýrð ásamt KATHERINE JENKINS sem er eins og teiknuð Disney prinsessa, gullfalleg og syngur eins og engill og hann er svo sem ekkert ljótasti maður í heimi (ég get verið svo yfirborðskennd). .... En það var frekar MIKIÐ um gæsahúð, þvílík upplifun og ekki skemmdi fyrir að við vorum á 2 bekk beint fyrir framan þau.. Siggi sagði “það er eins gott að gaurinn verði ekki andfúll” við vorum svo nálægt. Sennilega fengið sætin þeirra Ólafs og Dorrit ;) en mér skilst að Simmi hafi beðið við tölvuna þegar byrjað var að selja miðana.
Það var svolítið mikið af fólki í eldri kantinum svo maður velti því fyrir sér án gríns "skildi þessi lifa tónleikana af". En þetta var svona "once in a lifetime" upplifun sem verður sett í spes bankahólf á minningasvæðið, vistað á harðadiskinn. Ef það kemur út plata með þeim saman verður hún best seller og fólk mun leggjast í slagsmál yfir síðustu diskunum í hillunni...án efa...
TAKK fyrir okkur SIMMI !

Beauty is pain when you look like a freak

2006-04-25T03:01:00.000-07:00

Það virðist ekki boðlegt að eldast í hollywood og víðar um heiminn gengur sú andlega flensa að strik og línur séu verk djöfulsins eða það mætti halda það allavega. Við þessu eru desperate leiðir og ráð sem falla undir fegrunaraðgerðir. Fyrir mína parta þá finnst mér allt í lagi að láta choppa sig aðeins upp og taka saman, en eins og í öllu er alltaf hægt að fara yfir strikið(hahh... aðeins of mikið yfir strikið í öllum meiningum þeirra orða). Hversu mikið má strekkja og toga ? Sumt fólk er eins og það sé með tjaldhæla í hnakkanum "for crying out loud".
Mér var örlítið brugðið þegar ég sá Kenny Rogers kántrí kóng í American Idol um daginn, ég hef aldrei velt því áður fyrir mér hvort Kenny kallinn væri af asískum uppruna en augun eins langt dregin aftur og þau voru "let me thinking" að bara kannski hann hafi verið ættleiddur frá víetnam. Eftir að hafa nýlega skoðað myndir af Mickey Rourke (9 1/2 vika stjörnunni) datt mér í hug hvort það gæti verið að það væri lekandi kjarnorkuver neðanjarðar þar sem vaskurinn hans sækir vatnið, því gaurinn er eins eins og hann sé að bráðna, það kæmi manni ekkert á óvart þó að handleggur færi að vaxa út úr andlitinu á honum, hann er svo stökkbreyttur eitthvað.
Nýlegasta áfallið var svo hin ljúfa Meg Ryan sem kom fram hjá Opruh, en hún hafði ekki komið í viðtal í 2 ár, skiljanlega ekki getað talað í 2 ár eftir strekkingu en manneskjan er eins og naggrís, þessi líka fallega kona, ekki með neina línu... en er þá betra að vera naggrís ??? Mér var stórbrugðið og fékk meira að segja svona "jakk" tilfinningu,,, bara "what"...hvað er hún að pæla.

Nú hætti ég að hneykslast á konum sem bera í andlitið á sér krem við gyllinæð, því eftir svona aðgerðir og þegar silikonið er komið óvarlega í varirnar er andlitið eins og versta gyllnæð.

Hér eru myndir af Meg ( að ofan), Mickey og fleirum uppá sitt besta, Meg virkar alveg ágæt á þessari mynd en ég reyndi mikið að finna mynd af henni hjá Opruh en gekk ekki.

"jæts....."

er hún alltaf svona hissa eða ?

"when the beauty became the beast"

2006-04-24T06:21:00.000-07:00

Í framhaldi af síðasta pósti. Veðrið í Reykjavík í dag. I REST MY CASE!!

Gleðilegt sumar !!!

2006-04-21T04:13:00.000-07:00

Sumarið er komið..... Íslenskt sumar.....
Eftir að hafa búið á sólarströnd í tvö ár höfum við hjónin ekkert verið að æsast í að kaupa okkur miða á sólarströnd og síðustu tvö sumur látið okkur nægja Los Akureyri og tekið Vestmanneyjar í stað Kanaríeyjar.
En nú erum við sjúk í að komast í sól og getum ekki beðið eftir að komast í heitara loftslag.
Maður verður þreyttur á að berjast um í sólbaði með bláar varir eða í dúnúlpu. Eða geta ekki haldið uppi samræðum í grillpartýi vegna þess að allur hópurinn er að berjast við að halda borðdúknum á borðinu, plast diskarnir fljúga í fangið á manni og það eina sem er við rétt hitastig er hvítvínið. Svo stefnan er tekin á heitan stað, hjónin ekki alveg á sama máli hvert skal haldið, en nefndir þurfa að fara að skila inn áliti því ferðina verður að sjálfsögðu að panta.
Er einhver með hugmynd ? að stað þar sem er heitt, fjölskylduvænt, ódýr gisting (við getum ekki tekið pakkaferðir af því við erum með flug ) og ódýrt að lifa, svona pleis sem maður labbar um og borðar bara þar sem manni hentar.....svo þarf að vera eitthvað happening því ég á virkann mann og börn.... please do help me ;)

það er komið sumar...dudu ru
sól í heiði skín,,,
vetur burtu farinn..
tilveran er fín....
darara rí rí dara,, da dí .. ra..ra
því að sumarið er komið enn á ný........

mynd; Frosti Gísla

allt og ekkert...

2006-04-19T02:55:00.000-07:00

ég las hjá Betu einhversstaðar að það sé gott að bera ábyrgð á skrifum sínum og á hennar bloggi er hún með mynd af sér svona svo allir viti hver það er á bak við bloggið, ég er sammála henni, góður punktur og henti því fram þessari af mér hérna til hliðar. Ég tek það þó fram að Bella er klofinn persónuleiki og stundum er ég (Berglind Sigmarsdóttir) ekki alveg sammála Bellu í einu og öllu, einnig dregur Bella oft fram einkennilegar fjölskylduaðstæður sem ekki eiga sér stoðir í raunveruleika Berglindar, eins og t.d að eiginmaðurinn hennar búi í tjaldi í garðinum osfrv, en það er að sjálfsögðu lífsnauðsynlegt að eiga margar lífsmyndir og persónuleika svona við og við. Þannig getur maður flakkað á milli aðstæðna án þess að rjúka á dyr heima hjá sér yfir úldni tusku, þykjast vera í saumaklúbb til að hitta viðhald sem er einhver rola út í bæ sem önnur kelling hefur verið orðin þreytt á og kastað á dyr, guð forði okkur frá þannig vitleysu.
Talandi um framhjáhöld þá vann ég einu sinni á bar þar sem frægur söngvari var að spila og í hléinu kemur hann á kaffistofuna til að fá sér rettu, einhver gæra lafir í honum eins og notað jólaskraut og gaurinn er að reyna að hrista hana af sér án árangurs (enþessi gaur var í sambandi) , hljómsveitafélaginn kemur að og lætur gaurinn heyra það.. "hva á ekki að sinna gellunni" þá svaraði gaurinn:
"maður fær sér ekki pylsu ef maður á steik heima"
mér fannst þetta helv.. flott svar há honum, at the time

Over and out......
p.s ég er að læra photoshop svo myndin af mér hérna til hliðar getur bara bestnað...

from Vestmannaeyjar....

2006-04-18T03:18:00.000-07:00

Ég er semsagt komin úr eyjum, lenti á Völlunum seinnipart í gær og rétt náði að bjarga blómunum mínum sem voru eins og söl í glugganum, gjörsamlega að drepast úr þurrki og leiðindum.
Ég er búin að vera eins og lufsa í eyjum, eins og ég sé búin að búa í einangrun frá tísku í 25 ár. Unnur systir kom að mér þrammandi upp Heiðarvegin í hvítum tréklossum af tengdó, þægindin voru í fyrirrúmi alla páskana og með bólu á kinninni sem setti punktinn yfir I-ið. Ég var bara svo fegin að komast úr borgarspennitreyjunni að ég gat ekki með nokkru móti verið sæmileg til fara hvað þá með blásið hárið. Það var yndislegt að koma til eyja og vera bara í bíl í örfár mín í einu. Börnin vildu ekki snúa aftur, Sigmar var búinn að útbúa leynistað með Gísla frænda sínum í bakvið steypustöðina í einhverju bátadrasli og Clara elskaði að heimsækja frænkur sínar allar og ræða málin við ömmu sína fyrir svefninn. Svo á ég svo margar vinkonur, góða foreldra, tengdaforeldra, systur, svilkonur, frænkur, frændur............................................................................

ooooooh.....

2006-04-18T01:51:00.000-07:00

Blues hátíðin var líklega undirbúnings hátíð fyrir komandi þunglyndi vegna verðbólgunnar, íslenska þjóðin virðist vera að fara til andskotans samkvæmt útvarpinu og aldrei eins mög blues lög verða samin á einum mánuði eins og stefnir í, það er kanski kominn tími til að sætta sig við þessa tónlistarstefnu.... svo maður geti grátið almennilegha yfir reikningunum

The summer is comiiiiiiiing..... but there aint no suuuuuuuuunshine.....
because of the rising bills..... choking uuuuuuus.....with high intereeeeeests.......
duuuu duuu ru ru ru..........

Blues.....

2006-04-12T04:20:00.000-07:00

Gærdagurinn var brutal, brjálað að gera í vinnunni og ég á asnalegustu háu hælum sem hafa verið framleiddir. Ég var á hlaupum um alla skrifstofu á þessum horror hælum , svo skökk að ég var í raun hlaupandi niður brattar brekkur allann daginn eins og þreytt gleðikona. Mig verkjaði svo í hælana sem höfðu reynt að halda sér uppi í þessu ofboði að þegar ég gekk út af skrifstofunni leið mér eins og grófasti sandpappír ever væri að tæta það sem eftir væri af þeim, meðan ég skreið út í bíl. Þvílíka fórnarlambið ég..
Maðurinn minn bauð mér og Kötu mágkonu á tónleika á Nordica , hvorki meira né minna en Blúshátíð. ..............
Ég sendi manninum sms “er ég blúsari ?”
og fékk til baka “kanski meiri djúsari”
en ákvað samt að skella mér, marr náttlega ekki með börnin svo ekki þurfti að redda pössun. Mér leið mest þannig að fara restina af deginum bara á hnúunum og gefa fótunum frí, skreppa niðrí Össur og fá auka sett.. en dróst einhvernvegin áfram og deyfði mestu þjáningarnar með hvítvínsglasi.
BLÚS –já.. Ef ég á að segja ykkur frá því , þá vil ég fyrst taka það fram að ég að gagnrýna blústónleika er eins og karlmaður að gagnrýna dömubindi- makes no sens at ALL !!
Þegar ég hóf leit að heilahólfinu merkt blús, kom ég algjörlega að tómri geymslu, í sama væng og hinar tómu geymslurnar merktar Algebru og Borðtennis.
En eftir 4 seríur af American Idol, 3 seriur af íslensku Idol, mörg eurovison partý og of mikið af söngvakeppnum framhaldsskólanna þá má segja að ég sé með masterinn í tónlistargagnrýni almúgans en það versta er að það bara kemur blús ekkert við.
Þarna voru mættir blúsarar Íslands sem margir hverjir höfðu ekki náð svefni í nokkrar vikur yfir því að þessi hátíð væri á næsta leiti, mest karlmenn í leðurvestum, með hatta. .............Það sem ég skildi þó ekki en er víst landlægur tregi er að fólk átti erfitt með að njóta sín. Eins og nafnið felur í sér er tónlist ... LIST og list kallar á tilfinningar.. nema hvað... þarna voru blús aðdáendur Íslands með landslið blúsara og enginn hreyfði legg né lið, fólk kinkaði ekki kolli.... nema Kata sem kunni vel að meta þessa list og ég meira að segja hreyfði mig með og svona leyfði mér að fíla listina. Fyrir flesta hina var eins og að aftaka færi fram á sviðinu, aðdáendurnir eins og stirðnuð lík, kanski var þetta bara aftaka The blues á Íslandi, ég veit það ekki en.. Að fara á svona viðburð og meðtaka ekki neitt þannig að á megi sjá er eins og að fara í nudd í lopapeysu er mín skoðun allavega..svo getur vel verið að allir hafi veriðað groovera listina skin deep.. og það sé hæfileiki sem ég þarf að þróa með mér.

Blús-lögin eru að meðaltali heldur löng fyrir minn smekk.. tilvalin til dagdrauma og hugsanaflutnings en það sem mér fannst jákvætt var hversu blústónlistin er mikið samspil allra hljómsveitarmeðlima, söngvarinn er ekki bara aðal atriðið, hinir meðlimirnir fá sitt ego flipp og hæfileikar þeirra fá sitt spotlight og söngvarinn bara má fara af sviðinu þessvegna.

..Kata reyndi að koma mér inní blús-menninguna og kastaði að mér nöfnum og ég verð að viðurkenna að þegar leið á kvöldið,, fannst mér þetta flottara og flottara enda voru bestu listamennirnir geymdir þar til síðast.

Niðurstaða gagnrýni Bellu;
The blues is only a cruse
When it’s the middle juice

(ísl þýðing án stæla; blús er skemmtilegur ef það er alvöru lið að spila, hitt er svæfandi þunglyndis gaul í stefnualausar áttir)

Til hamingju Freyja Jespersdóttir Borup

2006-04-11T02:38:00.000-07:00

Hildur, Freyja og Jesper fyrir utan kikjuna þegar búið var að skíra Freyju á sunnudaginn

Páskar....páskar

2006-04-10T08:48:00.000-07:00

Ég rakst á þessar gömlu páskamyndir frá Bahamas 2002 og varð að deila þeim með ykkur, þau eru svo mikil krútt.

Alltaf komum við að sama stöffinu...

2006-04-05T08:03:00.000-07:00

Það er eitt sem er svo ofarlega í huga núna og mig langar að setja hérna niður. Í raun og veru kannski alltaf sama tuggan, eða öllu heldur sneið af sömu köku og ég hef talað um áður.
Það er oft talað um mikilvægi sjálfsímyndar og hversu nauðsynlegt það er að byggja hana upp. Orðið sjálfsímynd er eitthvað svo “þunnt” orð fyrir svo stóran hlut og flestir sem fara ekki svo djúpt í meiningu þess orðs, nema bara “það er gott að hafa góða sjálfsímynd”.
Í kringum mig eru góðir vinir mínir margir á nýjum vígstöðvum, að taka að sér ný verkefni, “presintera” sjálfan sig fyrir nýju fólki eða bara sama fólki en á nýjan hátt. Og til þeirra langar mig að segja þetta; mín trú er sú að það getur enginn selt sig öðrum dýrara en í raun honum finnst hann sjálfur vera virði. Þegar fólk er óöruggt þá er eins og margir ráðist á það, eins og sár sem að flugurnar hópast í, en ef þú ert öruggur(ur) og líður vel með þig er eins og brynja hlaðist utaná þig og niðurrif, skýst bara af. Brynjan meltir upplýsingarnar sem koma að manni og flokkar þær á skynsamari hátt. Gagnrýni er melt sem eitthvað sem hægt er að læra af, sem að öðrum kosti væri metin sem árás, eða ef um raunverulega ósanngjarna árás er að ræða þá er hún bara flokkuð sem drasl sem ekki er takandi mark á osfrv.
Þessi pistill er styrktur af konunni hans Dr . Phil

Myndir ;)

2006-04-05T02:22:00.000-07:00

Vinkonur mínar Jórunn og Ragna Jenný tóku sig til og birtu á bloggsíðum sínum myndir sem ég gerði fyrir þær. Ég hef unnið myndir eftir pöntunum og má sjá þær á þessari síðu.
Myndirnar eru gerðar með olíupastellitum (olíu klessulitum) .

2006-04-03T02:46:00.000-07:00

Við vorum að ganga inní matvörubúð, ég og börnin.
Gamall maður gengur hjá.
Clara bendir á mannin "mamma sjáðu þennan gamla mann, hann er svo gamall að hann er alvega að deyja"
.... og mig langaði til að hverfa..

Steiktur laukur

2006-03-30T05:40:00.000-08:00

Hverjum hefði dottið það í hug að steiktur laukur væri skaðvaldur (eins lítill og ómerkilegur hann er), nema hvað að hann er náttlega jafn fitandi og djúpsteikar hnésbætur af 300 kílóa manni. But never underestimate kids, onion and active husbands, segi ég !

Börnin mín svo yndislega listræn...... rúlluðu út ársbyrgðum af álpappír yfir stofugólfið í vikunni og hófu mikla framleiðslu á ýmsum listvarningi, meðan mamman (uuuu..ég) reyndi að hlaupa yfir hluta námsefnis í tölvunni svona á hliðarlínunni, þannig gat ég með innbyggðu hnakka-augunum fylgst með framleiðslunni og komið í veg fyrir vinnuslys, ég meina ... hvað er hægt að gera með álpappír...ha.... Ég var dottin niðrí lay-era vinnu og maska eins og það kallast á fagmáli, þegar ég var boðuð á listasýninguna. Vá hvað þetta var flott hjá þeim !! Sigmar hafði búið til glas, skál og skeið úr álpappír og Clara einhvern svaðalegan skúlptúr sem aðeins listamenn lærðari en ég geta skorið úr um hvað átti í meðvituðum heimi að vera, en líka gerði hún fallega skál svona til að sýna fram á nytjalistar hæfileikana. Ég stökk á fætur og sagði að nú skildi verkin mynduð og náði í digital vélina góðu. Verkunum var stillt upp og þetta var allt mjög spennandi og flott. Sigmar vildi sýna fram á notagildið og sótti Cherios í sína skál og vildi láta mynda þetta svona “alvöru” og það var gert ... Clara vildi að sjálfsögðu ekki vera með neitt verra og náði sér í fullan stauk af steiktum lauk (já þar kemur hann við sögu) og setti hann í sína skál...mjög girnilegt..hmmm.. Jæja svo var myndatökunni lokið og mamman snéri sér að tölvunni aftur .. Sigmar gerði tilraunir með glasið og komst að því að það lak og varð brjálaður og henti því í ruslið.. Clara fór með sitt inná bað......
Svo kem ég seinna inná bað og finn þessa ógeðfelldu lykt, sem var svona blanda af þjóðhátíðartáfýlu og úldnu grasi undan tjaldi sem staðið hefur á sama blett í 7-8 daga.... já eða bara blautum steiktum lauk. Baðvaskurinn var fullur af steiktum lauk í bleyti......Svo kom sú stutta og renndi frá þannig að restinn gúlpaðist niður. .OG....... Það var að sjálfsögðu allt fast, stíflað og vaskurinn ónothæfur... Þá kom skaðvaldur númer 2 , maðurinn minn heim. Hann hafði sko ráð við þessu ,, hafði fengið brjálæðislega sterkt efni sem notað er við að losa svona í stórum eldhúsum, efni sem brennur sig í gegn, efni sem þarf að nota grímu við og hanska... Ohh ekki leist mér á það (þekkjandi manninn minn ágætlega) það byrjaði fínt, með rauðri lítilli trekt (bara eins og rifin út úr rauðhettuævintýrinu), “þetta var ekkert mál”. Það var látið falla eins og einn dl. Og svo átti að bíða.. en það er svo erfitt að bíða...þegar maður er frekar ör.. svo það var annað eins magn látið niður falla 5 min seinna... og svo veit ég ekki meir fyrr en litla rauða trektin er komin fram á gang, maðurinn minn er vopnaður af stórum drullusokk (hótel týpunni) og nýja baðherbergið mitt er í hers höndum.... ég veit ekki hvort ég eigi að koma með endirinn... en allavega þá er krómið farið af fallegu stálröndinni og brjálaða efnið hefur sett brennda punkta hér og þar um baðherbergið....nýja fallega baðherbergið mitt....

Og af því ég elska manninn minn eins og hann er, og það var steikti laukurinn sem átti upphafið þá hlæjum við bara að þessu, ég meina hvað annað á maður að gera ??? Fá sér pylsur með hráum lauk næst?

ég og fræga fólkið...

2006-03-27T07:39:00.000-08:00

Pabbi greyjið bara búinn að eiga afmæli í marga daga hérna á blogginu . Get ekki látið þetta gerast.
Og ... ég er byrjuð í skólanum og marr náttlega ekkert white trash sko því það situr celebrity við hliðiná á mér, já það er bara best seller and genius Þráinn Bertlesson bæ mæ sæd, alltaf að biðja mig um aðstoð.. og ég bara “no prob..pal”.
Hann dásamaði forritið um daginn sem við vorum að vinna í og ég skaut því að honum að þetta væri nú bara innblástur fyrir næstu bók hjá honum og honum fannst það góð hugmynd, er maður ekki bara farinn að poppa hugmyndir fyrir fræga rithöfunda út í bæ. Svo gæti maður náttlega tekið mynd af sér með mr. Bertelsson og sent á “Hér og nú” og grætt 10þús kall, dobblað saman einhverja sögu um kallinn eða bara ekki. Mjög flottur kall sko.
Annars er obbosslega gaman í skólanum, allar heilasellur í yfirvinnu og maður svo útkeyrður þegar mar kemur loks heim að það er ekki til ein hreyfanleg fruma í líkamanum , þær lafa bara allar utaní hver annari eins og gamlir rónar svo ég skutla mér í sófann og það er ekki aftur snúið (panta bráðum þvaglegg og innanhúss rafmagnsbíl).
Ef ég kemst í gegnum næstu vikur án þess að brenna yfir og ferma börnin mín í leiðinni þá er það afrek út af fyrir sig. Ég ætti kannski að hafa það sem lokaverkefni að hanna mína eigin líkkistu.

p.s það er æði að fá allar kveðjurnar hérna að neðan, ég var nefnilega ekkert viss um hvað mundi gerast var farin að sjá mig fyrir mér búa til "fake" kveðjur frá hinum og þessum svo þetta væri ekki einhver "loosera" statement ..haha TAKK hunangsflugurnar mínar ;)

Happy birthday mr. Palmason

2006-03-23T04:25:00.000-08:00

Elsku pabbi krabbi á afmæli í dag. Hann fær góða afmælisgjöf, flýgur út til Bandaríkjanna í dag og svo til Bahamas með mömmu, Pálma bro og family. Hafðu það gott bestasti pabbi, ég bið að heilsa hvíta sandinum, pinacolada í kókoshnetunni, seiðandi karabísku tónlistinni og að sjálfsögðu góðu vinkonu minni sunshine. Settu tærnar uppí loft (klipptar sem óklipptar) milli þess sem þú lætur golfkylfurnar finna fyrir því og njóttu lífsins, ,, passaðu bara mömmu.. að hún taki ekki vitlausa tösku af færibandinu, það er nefnilega ferlega svekkjandi að spóka sig í sundskýlu af einhverjum öðrum gaur...lovejú

HVER?

2006-03-21T07:07:00.000-08:00

Ok... það commenta svo fáir orðið hérna að ég neyðist til að gera könnun...

þið sem komið inn hérna viljið setja inn; kyn og aldur, þurfið ekki að setja nafn nema þið viljið, en ef þið setjið nafn þurfið ekki að setja inn aldur,,, (ótrúlegt hvað mér tekst að gera einfalda hluti flókna og ég sem er að byrja í skóla)

Verð að setja það hér inni að ég hef ekki borðað hvíta eitrið (hvítt hveiti , hvítan sykur né kókaín) í 11 daga ..(reyndar tók ég einn frídag til að slá á mestu fráhvarfseinkennin, eins og sveittur stunginn grís, langaði svo óstjórnlega í köku) en þetta er bara besta mál sko. Það var ekki heilsu engisprettan þarna í Heil og sæl sem fékk mig til þess, ég var bara alltaf á leiðinni sko. Þau er nú stórlega ýkt þarna hjónin og Umbro eða hvað hann heitir með ístru og allt, gúffar örugglega í sig Dominos pízzur þegar hún er ekki heima, en svona þættir eru samt fínt spark í rassagatið til að koma sér af stað þó maður sleppi sér ekki alveg, því prógrammið er svo stíft hjá þeim að maður mundi aldrei vita hvað maður ætti að éta og í angist og volæði ekki vitandi hvað maður má borða yrði maður án efa byrjaður að japla á húsgögnunum af hræðslu við að borða eitthvað sem má ekki..
ok ekki gleyma.. að commenta sko, hver ert þú?

Afhverju eru ekki lestar á Íslandi, gæti verið soldið stuð ! Nema kanski í roki, erfitt að halda sér líklega..

Letter to Hotel manager from Bella

2006-03-16T07:27:00.000-08:00

Dear MR hotel manager
I stayed at your hotel last week and seam to have forgotten my insanity in the room I was staying. All the relaxing seamed to leave me realizing that my life is a huge mess which I have bean drowning in and haven’t got the chance to look up from.
Since I came home I haven’t folded any of my laundry, my kids have painted the walls in rainbow colors and I actually tell them its art (I must be fucking mad)
I don’t sort out my trash and I told my boss at work that I’m sick,…. actually I told him that I am sick and tired of him ...so he doesn’t want me back L
My kids love this but my husband has moved out to our two people tent in our yard (in the bloddy icelandic winter), which
I m actually just happy with because he never does anything around the house anyways and is always to tired for sex. When I think of it I am really just married to his income.
My physical state is like a vanilla pudding, so when I bend over to pick up socks and trash from my kids’ ether the belly or the bottom just jumps out of my pants, the pants that seamed really sexy on me few months ago.
Dear manager you are the only person I can think of that could possibly help me so please answer my letter, this trauma is causing a lot of financial damage so please answer sooner than later.
Best regards
Bella , Kopavogur
P.s. I really liked that you have a free shoulder massage in your hot tub, please give that information to the manager of the Spa.
My insanity could most likely be there somewhere.

2006-03-15T06:48:00.000-08:00

Það þarf ekki alltaf að skilja fólk til þess að geta verið til staðar fyrir það

..............Lean on me, when you're not strong
And I'll be your friend
I'll help you carry on

part 2

2006-03-13T07:55:00.000-08:00

Þegar flugvélin lenti var ég nokkuð viss um að dempararnir að framan (undir busieness class) hafi verið stærri en að aftan, því það var eins og við lentum á bómullarflugvelli, eða þá var ég ekki vöknuð og búin að slíta mig af dúnkoddanum ágæta alveg, ...eða þannig. Aníveis... ég mætti almúganum við tjaldið og fjölskyldan nokkuð hólpin eftir flugið, börnin höfðu aðeins náð að sofna en Siggi hafði þurft að kippa nokkrum sinnum í Sigmar þar sem hann söng orðið Latabæ fyrir aðeins of marga farþega, gleymdi sér alveg með heyrnatólið þetta krútt. Svo ætlaði mamma að rífa upp band-vitlausa tösku af færibandinu, helmingi stærri en hún hafði komið með og við hlógum öll alveg óskaplega af því. Krakkarnir frelsinu fegin og viltu hlaupa til Árósa en við náðum að koma þeim í lestina og Sigmar varð þá slappur aftur.
Það var gott að koma til Árósa, Jesper tók á móti okkur og beinustu leið uppí sveit. Hildur beið þar með litlu og loksins fengum við að sjá hana, nýjasta fjölskyldumolann, svona ofsalega fíngerð og lítil, minni en myndirnar höfðu logið til um en ofsalega falleg. Svo var okkur sýndur þann heiður að litla djásnið var nefnd og fékk það fallega nafn Freyja.
Dagarnir í Árósum einkenndust af dúlli með Freyju, láta hana ropa, skipta á henni, reyna að láta hana taka snuð osfrv. Krakkarnir fengu að aðstoða við hestana, gefa þeim og greiða, Siggi vildi taka til hendinni og hjálpa til en vildi ekki betur til en að hann tók um girðinguna og fékk vænt raflost og fældi hestana í burtu með hamaganginum.
Við fórum aðeins í bæinn í HM að sjálfsögðu og mamma var allan tímann að lesa af blaði upp pöntun frá eina konu og leita af stærðum eftir bækling að heiman, bara mamma eyðir öllum tímanum í að versla á kunningjakonu sína nærbuxur og belti, ótrúlegt....
Svo þetta fari nú ekki í margar blaðsíður ... þá heimsóttum við Thelmu og Svenna sem hafa það rosa fínt, fórum á fiskasafn með börnin og Sigmar sérstaklega var ánægður með þá ákvörðun ....... Við fíluðum bara Aarhus vel með öllum sínum múrsteinum, við brilleruðum ekkert í dönskunni og ég telst varla pylsufær þar sem ég náði aldrei að panta almennilega pylsu en ég reyndi að tjá mig við ágætan fögnuð og hlátur viðstaddra, Einar og Gummi.. þið stóðuð ykkur samt vel..
Flugfreyjurnar voru ekki alveg með jafn rauðan varalit á leiðinni heim en heimflugið var samt ánægjulegt
Venlig hilsen

Fíflið á Business Class

2006-03-09T06:21:00.000-08:00

Við fjölskyldan lögðum í ferð á laugardaginn til Denmark. Við á hoppi eins og vanalega og áttum ekkert að komast með, vélin uppbókuð. Mamma var með í ferð (eina með alvöru miða) og var orðin ansi sveitt yfir því að þurfa kanski að fara ein (fór að hlusta á tungumál fólksins sem var á leið í vélina og hafði áhyggjur af að hún gæti ekki hengt sig á neinn), ég skildi nú ekki það stress því hún talar betri dönsku en við. En við Siggi skildum það svo seinna þegar hún þekkti ekki töskuna sína á færibandinu og stakk alltaf uppá öðrum áttum en þeirri réttu eftir göngum flugvalla og lestastöðva. Mamma er bara ekki ferðafær.. punkur (sorry mamma). Svo var spennan í hámarki, og loka átti vélinni eftir nokkrar mín, þegar gellan segir að aðeins 3 sæti fáist og við litla fjölskyldan náttlega fjögur. Sigmar lá fölur og þreyttur á bekknum ekki búinn að jafna sig af flensu almennilega og upplitið á mömmu bara skelfing. Þetta tvennt olli því að kona steig fram og bauð okkur sætið sitt, hún tók flugfreyjusæti í staðin (líklega gömul flugfreyja eða eitthvað....) Og við hendumst síðust inní vél með veika soninn undir hendinni og dragandi Clöru sem hélt að við værum að fara til Akureyrar , mamma talaði tungum og hafði bara áhyggjur af þeldökka manninum sem komst þá ekki með (ekta hún).
Það vildi þannig til að þessi frábæra kona hafði átt sæti á Business Class , handapatið var mikið þegar við komum inn, enda vildi crew-ið fara koma vélinni af stað. Siggi segir “Berglind þú ferð á business class” ég skal vera með krakkana. Ég náttlega bara “hvað nei...ég skal vera með annað barnið..og..”
Flugfreyjan grípur inní “nei það verður líklega ekki hægt” og gefur mér smá afl innfyrir bláa tjaldið inní veröld hinna merkilegu. Ég með fullt fang af barnadrasli, úlpum og nefdropum hrökklast í lúxussætið inn fyrir merkilegan mann og sest á brúnina á sætinu. Þori ekki að koma mér vel fyrir, maðurinn lítur á mig og ég svara augnlitinu “ég á ekki að vera hérna sko...hmm”. Flugfreyjan kemur aftur og ég veifa “hvað segirðu á ég ekki að færa mig”
Hún brosir “börnin og maðurinn þinn hafa það fínt afturí, öll saman”
“Njóttu þess bara “ og svo blikkaði hún mig og rauðu varirnar glönsuðu (flottar þessar flugfreyjur). Ég vogaði mér þá að leggja frá mér allt draslið og setjast almennilega í hægindastólinn. Það var kampavín, dúnkoddi og matseðill, allt of mikið pláss fyrir fæturna og sérinnpakkað teppi. Róandi píanóundirspil, alvöru hnífapör og tauservétta, Mannlíf og öll blöð sem ég gat lesið.
Á meðan sátu maðurinn minn. móðir mín og börn hinum megin við tjaldið í fuglabjargi almúgans, með kramdar lappir, sveitta ókunnuga uppvið sig og plasthnífspör.
Ég kunni ekki á neitt, svo merkilegi maðurinn við hliðiná mér aðstoðaði mig eftir því sem ég bað hann, hvernig borðið virkaði og stóllinn. Komst svo að því að þessi maður var merkilegur arkitekt (hefði svo sem giskað á það, svo vel girtur af flauelisbuxum með innrömmuð augu í einhverjum svipmiklum design gleraugum), flugfreyjan dásamaði verk hans bak og fyrir, ég var að hugsa um að grípa frammí fyrir henni og segja henni að ég hafi gefið út bók og búið á Bahamas en lét það vera, ég var fíflið á Business Class.....

...þetta er orðið svo langt..framhald síðar...

Sigmar og Clara fara á hestbak á Sóley, einum af íslensku hestunum hjá Hildi og Jesper

Kenning á afslætti

2006-03-03T05:41:00.000-08:00

Maðurinn minn er búinn að vera heima síðustu kvöld sem er jafn sjaldgæft og logn á stórhöfða. Það er frekar erfitt að láta eftir fjarstýringuna svona mörg kvöld í röð og er ég iðandi í skinninu þegar hann er ekki nógu snöggur að tékka á þættinum sem við erum að horfa á þar sem hann vill flakka um allt í auglýsingahléinu (mjög ábyrgðarlaust). Ég er komin með sér heilahólf fyrir sjónvarpsþætti svo maður geti opnað og lokað eftir fjarstýringunni og svo verður maður að skálda inná milli þegar maður missir einhverja búta. Maður er svo sem farin að reikna út þessa sakamálaþætti og getur nokkuð auðveldlega hannað nýja búta og endingar. Þetta er rosalegt púl og heilaleikfimi, boðsendingar heilans eru eins og hraðaupphlaup íslenska handboltalandsliðsins, svo hratt sendast upplýsingar á milli. Einhversstaðar las ég að heilinn mundi hvílast meira þegar maður er eins og fuglaflensa fyrir framan sjónvarpið en þegar maður í raun sefur. Því þegar maður glápir er sjónvarpið í raun að leiða heilasellurnar um gangana og þær þurfa ekkert að hafa fyrir þessu, en þegar maður sefur er heilmikil starfsemi vegna drauma osfrv (sel þetta nú ekki dýrara en ég keypti það).
Er einhver sem er tilbúin að styðja þessa útsölukenningu?

My handsome husband....

2006-03-02T01:52:00.000-08:00

My handsome husband.... á afmæli í dag !!!! (þessi til hægri á myndinni)
Hann vill engar sykurhúðaðar krúsídúllur hérna á bloggið ef ég þekki hann rétt, svo ég spara mig.

Hann er í sjálfsskoðun núna kallinn, ég og börnin gáfum honum stjörnubók um hann sjálfan (fannst komin tími til að hann færi að kynnast sjálfum sér, hann nú svo frábær gaur)
Siggi hon.. ef þú kíkir hérna inn sem er þó fremur ólíklegt.. allavega.. þá aftur til hamingju með daginn !!!

Kristrún Íslandsmeistari

2006-02-28T03:06:00.000-08:00

Elsku duglega og klára Kristrún Ósk

Til hamingju með Íslandsmeistaratitilinn fyrir 3 þrep

p.s kemurðu öllum þessu verðlaunapeningum einhversstaðar orðið fyrir stelpa

Þú getur látið bræða þetta allt í einhvern stórann klump í ellinni og við getum föndrað úr þessu eyrnalokka :)

Hey ,, ég er að reyna að ná mynd

2006-02-27T07:41:00.000-08:00

Veriði svolítið eðlileg

2006-02-27T07:38:00.000-08:00

ekki kanski alveg svona.....

Já svona !!!

2006-02-27T07:31:00.000-08:00

2006-02-24T05:18:00.000-08:00

.... og mér fannst harðfiskurinn dýr þangað til ég fór til tannlæknis.. "over my dead rotten body" Hef ákveðið að snúa mér að fatahönnun til að fjármagna "stellið". Hvað finnst ykkur ? Buxurnar fást aðeins þrengri og ekki bara í smjörlíkislitnum heldur einnig í appelsínusanseraðum, gleraugun eru í einkaeign.

101 Shocking moments

2006-02-22T03:16:00.000-08:00

Hver hefur ekki pissað í saltan sjó á Íslandi?
Við erum komin af sjómönnum,
landið er alið á fiski,
kvótin er stjórntæki,
fyrir aftan orðið “normal” í orðabókinni stendur “ýsa og karteflur”.
Mamma þín hefur vaðið síld og pabbi þinn gubbað á deck.
Þetta er þjóð með saltvatn í æðum og roð í kinnum (en ekki roða).

Svo fer ég í Bónus (sem býður betur) og í sakleysi mínu renni augum að hollustu sem merkt er 85% protein á TILBOÐI, það var harðfiskur í bitum. Ég finn ekki verðmiða en í brjáluðu kæruleysi kasta ég 200 gramma pokanum í körfuna (smá heilsiviðbit) Dóttir mín segir mér að þetta sé þorramatur og þjóðarstoltið er að rifna innra með mér, ég er náttlega undan Sigga Munda þeim mikla skipstjóra og svo tengdadóttir dóttur Binna í Gröf, já mestu sjómenn eyjanna er fjölskylda mín.
Ég borga matinn og lít svo á verðmiðann (sem ég geri aldrei því ég er kærulaus eyðslukló svona venjulega)
101 Shocking moments; 200 gr af harðfisk á tilboði kosta 989 krónur.

“FRöken það er einhver villa í þessu”
“nei… nei.. þetta er rétt verð”

Ef börnin hefðu ekki verið að spranga í kerrunum við útganginn hefði ég skilað gullinu, en strunsaði út á eftir börnunum svo þau yrðu ekki fyrir bíl.

Ég gat ekki með nokkru móti notið þess að éta þessi 85% protein, heldur bara hugsaði hvað þau kostuðu, mér leið í raun eins og ég væri að tyggja þúsundkallinn minn og missti matarlystina …

Það er hreint "shocking" hvað fólk dekrar kettina sína